ഡല്ഹി: ജ്യോതിരാദിത്യ സിന്ധ്യ ഇന്ന് ബിജെപിയില് ചേര്ന്നേക്കും. മധ്യപ്രദേശില് നിന്നുള്ള രാജ്യസഭ സീറ്റ് ബിജെപി സിന്ധ്യക്ക് മാറ്റി വച്ചതായാണ് വിവരം. നിയമസഭ കക്ഷി യോഗത്തിന് പിന്നാലെ ബിജെപി എംഎല്എമാരെ ഹരിയാനയിലെ റിസോര്ട്ടിലേക്ക് മാറ്റിയേക്കുമെന്ന് റിപ്പോര്ട്ടുകളുണ്ടായിരുന്നു.
സിന്ധ്യയെ അനുകൂലിക്കുന്ന 22 വിമത എംഎല്എമാരാണ് ഇതുവരെ രാജിവെച്ചത്.
രാഹുല് ഗാന്ധിയുടെ നേതൃത്വത്തിലുള്ള യുവ നേതാക്കളുടെ നിരയില് ഉള്പ്പെട്ട ജ്യോതിരാദിത്യ സിന്ധ്യയുടെ രാജി മധ്യപ്രദേശില് വലിയ രാഷ്ട്രീയ പ്രതിസന്ധിയാണ് ഉണ്ടാക്കിയിരിക്കുന്നത്. സംസ്ഥാനത്ത് നിയമസഭാതെരഞ്ഞെടുപ്പില് കോണ്ഗ്രസിന്റെ വിജയത്തിനായി തന്ത്രങ്ങള് മെനയുന്നതിലും വിജയത്തിലേക്കെത്തിക്കുന്നതിലും നിര്ണായക സാന്നിധ്യമായിരുന്ന ജ്യോതിരാദിത്യ സിന്ധ്യക്ക് അവസാന നിമിഷത്തില് മുതിര്ന്ന നേതാക്കളുടെ സമ്മര്ദ്ദത്തിന് വഴങ്ങി കമല്നാഥിന് മുഖ്യമന്ത്രി സ്ഥാനം നല്കുന്നതിനെ അനുകൂലിക്കേണ്ടി വരികയായിരുന്നു.
ഉപതെരഞ്ഞെടുപ്പില് വിജയിച്ചു സര്ക്കാര് ഉണ്ടാക്കാന് ഉള്ള നീക്കത്തിലാണ് ബിജെപി. പ്രധാനമന്ത്രിയുടെ അധ്യക്ഷതയില് ചേര്ന്ന ബിജെപി കേന്ദ്ര തെരഞ്ഞെടുപ്പു കമ്മിറ്റി സിന്ധ്യക്ക് ടിക്കറ്റ് നല്കാന് തീരുമാനിച്ചു എന്നാണ് വിവരം. ഭോപ്പാലില് വെച്ച് ബിജെപി അംഗത്വം എടുക്കുന്ന സിന്ധ്യ 13ന് രാജ്യസഭാസീറ്റിലേക്ക് നാമനിര്ദേശ പത്രിക സമര്പ്പിച്ചക്കും.
Discussion about this post