തിരുവനന്തപുരം: സംസ്ഥാനത്ത് ദിനംപ്രതി കൊറോണ രോഗം ബാധിച്ചവരുടെ എണ്ണം വര്ദ്ധിക്കുന്ന സാഹചര്യത്തില് സമൂഹ വ്യാപനം നടന്നിട്ടുണ്ടോയെന്നറിയാൻ റാപ്പിഡ് ടെസ്റ്റ് നടത്തുമെന്ന് മുഖ്യമന്ത്രി പിണറായി വിജയന്. അതിവേഗം ഫലം അറിയാന് സാധിക്കുമെന്നതാണ് റാപ്പിഡ് ടെസ്റ്റിന്റെ പ്രധാന പ്രത്യേകത.
നിലവില് പി.സി.ആര് (പോളിമെര് ചെയിന് റിയാക്ഷന്) ടെസ്റ്റ് വഴിയാണ് ഇന്ത്യയില് എല്ലാ രോഗികളിലും വൈറസ് ബാധയുണ്ടോ എന്ന് തിരിച്ചറിയുന്നത്. ഈ പരിശോധനയ്ക്ക് കൂടുതല് സമയം ആവശ്യമാണ്. സമൂഹ വ്യാപനം പെട്ടെന്ന് തിരിച്ചറിയേണ്ടതിനാലാണ് അതിവേഗം ഫലം ലഭിക്കുന്ന റാപ്പിഡ് ടെസ്റ്റ് നടത്താന് ആരോഗ്യവകുപ്പ് തയ്യാറെടുക്കുന്നതെന്ന് മുഖ്യമന്ത്രി പറഞ്ഞു.
ഏത് വൈറസ് ബാധ പടരുമ്പോഴും സമൂഹ്യ വ്യാപനമുണ്ടായോ എന്നറിയാന് റാപ്പിഡ് ടെസ്റ്റാണ് ഫലപ്രദമായി ഉപയോഗപ്പെടുത്തുക. സമൂഹത്തില് കൂടുതല് നിയന്ത്രണങ്ങള് ഏര്പ്പെടുത്തി സാഹചര്യം നിയന്ത്രണ വിധേയമാക്കാന് ഇതുവഴി അധികൃതര്ക്ക് സാധിക്കും. ഇതിന് ചെലവും കുറവാണ്.
Discussion about this post