വാഷിങ്ടണ്: അമേരിക്കയിൽ കൊറോണ വൈറസ് ബാധിച്ച് മരിച്ചവരുടെ എണ്ണം 6000 കടന്നു. 781 പേരാണ് രോഗബാധയെ തുടര്ന്ന് ഇന്നലെ ഒറ്റ ദിവസം കൊണ്ട് മാത്രം മരിച്ചത്. 29,277 പേര്ക്കാണ് 24 മണിക്കൂറില് രോഗബാധ സ്ഥിരീകരിച്ചത്. ഇതോടെ രോഗബാധിതരുടെ എണ്ണം രണ്ടരലക്ഷത്തിലേറെയായി. ഇതിൽ 5000 പേരുടെ നില അതീവ ഗുരുതരമായി തുടരുകയാണ്.
വൈറസിനെ നിയന്ത്രണവിധേയമാക്കാന് തന്റെ ഭരണകൂടം എല്ലാ പ്രവര്ത്തനങ്ങളും നടത്തുന്നുണ്ടെന്ന് പ്രസിഡന്റ് ഡൊണാള്ഡ് ട്രംപ് പറഞ്ഞു. ഇന്ത്യയുള്പ്പെടെയുള്ള രാജ്യങ്ങളില് കുടുങ്ങിയിട്ടുള്ള പൗരന്മാരെ തിരികെയെത്തിക്കുന്ന നടപടികളാരംഭിച്ചതായും അദ്ദേഹം അറിയിച്ചു.
അതേസമയം ന്യൂയോര്ക്ക് നഗരത്തില് മാത്രം കുറഞ്ഞത് പതിനാറായിരത്തിലേറെപ്പേര് മരിക്കുമെന്ന് ഗവര്ണര് ആന്ഡ്രൂ ക്യുമോ മുന്നറിയിപ്പുനല്കി. ഈ രീതിയില് വൈറസ് പടര്ന്നുപിടിച്ചാല് 16,000 ന്യൂയോര്ക്ക് വാസികളും യു.എസിലാകെ 93,000 പേരും മരിച്ചേക്കുമെന്നാണ് ക്യൂമോ പറഞ്ഞത്. ഇതു തടയാന് സംസ്ഥാന ഗവര്ണര്മാര് വേണ്ട നടപടികള് കാര്യക്ഷമമായി സ്വീകരിക്കണമെന്നും അദ്ദേഹം പറഞ്ഞു.
Discussion about this post