കൊല്ലം: ലോക്ക് ഡൗണ് ലംഘിച്ച് അയല്ക്കാരെയും ബന്ധുക്കളെയും കൂട്ടി നമസ്കാരം നടത്തിയ സംഭവത്തില് ആറുപേര് അറസ്റ്റില്. കൊല്ലം നിലമേലില് ആണ് സംഭവം. നിലമേല് കൈതോട് വലിയവഴി സലീന മന്സിലില് അബ്ദുള് റഹീം മൗലവിയുടെ വീട്ടിലാണ് കൂട്ട ജുംഅ നമസ്കാരം നടത്തിയത്.
സംഭവവുമായി ബന്ധപ്പെട്ട് അബ്ദുല് റഹീം മൗലവി (54), മക്കളായ അബ്ദുല് ഖാദര് (20), മുഹമ്മദ് ഷെരീഫ് (24), വലിയവഴി കടയില് വീട്ടില് മുഹമ്മദ് അസ്ലാം (20), അല് അമീന് മന്സിലില് സുലൈമാന് (45), കടയില് വീട്ടില് ഷാഹുല് ഹമീദ് (52) എന്നിവരെയാണ് ചടയമംഗലം പൊലീസ് അറസ്റ്റ് ചെയ്തത്.
മനപ്പൂര്വം രോഗവ്യാപനം നടത്താനുള്ള ശ്രമം, സര്ക്കാരിന്റെ നിര്ദ്ദേശങ്ങളുടെ ലംഘനം തുടങ്ങിയ കുറ്റങ്ങള് ചുമത്തിയാണ് അറസ്റ്റ്. സി.ഐ സജു.എസ്.ദാസിന്റെ നേതൃത്വത്തിലുള്ള പൊലീസ് സംഘമാണ് പ്രതികളെ അറസ്റ്റ് ചെയ്തത്.
Discussion about this post