ഡല്ഹി: കൊറോണ വ്യാപനം തടയുന്നതിനായി പ്രഖ്യാപിച്ച ലോക്ക്ഡൗണ് നീട്ടുമെന്ന് പ്രഖ്യാപനം ഇന്നുണ്ടായേക്കും. നിയന്ത്രണങ്ങളില് ഇളവ് വരുത്തിയാകും പ്രഖ്യാപനം. പ്രധാനമന്ത്രി നരേന്ദ്രമോദി ഇന്ന് രാജ്യത്തെ അഭിസംബോധന ചെയ്യുമെന്ന് റിപ്പോര്ട്ടുകള് വന്നെങ്കിലും കേന്ദ്രസര്ക്കാര് അത് നിഷേധിച്ചു.
നാല് മണിക്കൂര് നേരമാണ് മുഖ്യമന്ത്രിമാരുമായുള്ള പ്രധാനമന്ത്രി കൂടിക്കാഴ്ച നടത്തിയത്. കൊറോണ വ്യാപനം തടയുന്നതിന് രാജ്യത്ത് പ്രഖ്യാപിച്ച ലോക്ക്ഡൗണ് രണ്ടാഴ്ചത്തേയ്ക്ക് കൂടി നീട്ടാന് കേന്ദ്രസര്ക്കാര് തീരുമാനിച്ചിരുന്നു. ഇക്കാര്യം ഡല്ഹി മുഖ്യമന്ത്രിയായ അരവിന്ദ് കെജ്രിവാള് സ്ഥിരീകരിച്ചു. ഇക്കാര്യം ട്വിറ്ററിലൂടെയാണ് അദ്ദേഹം അറിയിച്ചത്.
ലോക്കഡൗണ് നീട്ടുന്ന കാര്യത്തില് പ്രധാനമന്ത്രി നരേന്ദ്രമോദി കൃത്യമായ തീരുമാനമെടുത്തു. ഇന്ന് രാജ്യം മറ്റുവികസിത രാജ്യങ്ങളെക്കാള് ഏറെ മുന്നിലാണ്. കോവിഡ് വ്യാപനം തടയുന്നതിന് ലോക്ക്ഡൗണ് നേരത്തെ പ്രഖ്യാപിച്ചതാണ് രാജ്യം സുരക്ഷിതമായ സ്ഥാനത്ത് നില്ക്കാന് സഹായകമായത്. എന്നാല് ലോക്ക്ഡൗണ് പിന്വലിച്ചാല് ഇതുവരെ നേടിയ നേട്ടങ്ങള് ഇല്ലാതാകും. ഈ നിലപാടിന്റെ ലോക്ഡൗണ് നീട്ടാനുള്ള പ്രധാനമന്ത്രിയുടെ തീരുമാനമെന്ന് കെജ്രിവാള് ട്വിറ്ററില് കുറിച്ചു.
യോഗത്തില് ഭൂരിപക്ഷം സംസ്ഥാനങ്ങളും ലോക്ക്ഡൗണ് നീട്ടണമെന്ന് പ്രധാനമന്ത്രിയോട് ആവശ്യപ്പെട്ടു. ഇതേതുടര്ന്നാണ് ലോക്ക്ഡൗണ് നീട്ടാനുള്ള തീരുമാനത്തിലേക്കേ് എത്തിയതെന്നാണ് റിപ്പോര്ട്ടുകള്.
Discussion about this post