തിരുവനന്തപുരം: ലോക്ഡൗണ് നിയന്ത്രണങ്ങളിൽ ഇളവ് നൽകാനായി കേരളത്തിലെ ജില്ലകളെ നാല് മേഖലകളാക്കി തിരിച്ച് ഉത്തരവിറക്കി കേന്ദ്രസർക്കാർ. റെഡ് ഓറഞ്ച് എ, ഓറഞ്ച് ബി, ഗ്രീന് എന്നിങ്ങനെയാണ് മേഖലകള്. കാസര്ഗോഡ്, കണ്ണൂര്, കോഴിക്കോട്, മലപ്പുറം എന്നീ ജില്ലകള് റെഡ്സോണ് മേഖലയില് ഉള്പ്പെടുന്നു. റെഡ്സോണില് മെയ്മൂന്നുവരെ സമ്പൂര്ണ്ണ നിയന്ത്രണങ്ങള് തുടരും.
ഓറഞ്ച് സോണ് എയില് പത്തനംതിട്ട, എറണാകുളം, കൊല്ലം ജില്ലകള് ഉള്പ്പെടുന്നു. ഏപ്രില്24-ന് ശേഷം ഭാഗിക ഇളവ് നല്കും. സ്വകാര്യ വാഹനങ്ങളിറക്കാന് അനുമതി നല്കി.
ഓറഞ്ച് സോണ് ബി യില് ആലപ്പുഴ, തിരുവനന്തപുരം, പാലക്കാട്, വയനാട് എന്നീ ജില്ലകള് ഉള്പ്പെടുന്നു. ഈ ജില്ലകളില് ഏപ്രില് 20ന് ശേഷം ഭാഗിക ഇളവ് നല്കും. സ്വകാര്യ വാഹനങ്ങളിറക്കാന് അനുമതി നല്കി.
ഗ്രീന്സോണില് ഇടുക്കി, കോട്ടയം ജില്ലകളാണുള്ളത്. ഗ്രീന്സോണില് തിങ്കളാഴ്ചയ്ക്ക് ശേഷം കാര്യമായ ഇളവുകൾ ലഭിക്കും.
സ്വകാര്യ വാഹനങ്ങള്ക്ക് അനുമതി നല്കിയിരിക്കുന്നത് നമ്പറുകളുടെ അടിസ്ഥാനത്തിലാണ്. ഒറ്റ അക്ക നമ്പറുകള് തിങ്കള്, ബുധന്, വെള്ളി ദിവസങ്ങളിലും ഇരട്ട അക്ക നമ്പറുകള് വ്യാഴം, ശനി ദിവസങ്ങളിലും പുറത്തിറക്കാനാണ് അനുമതി. നാലു ചക്രവാഹനത്തില് ഡ്രൈവറടക്കം മൂന്നുപേര് മാത്രമേ പാടുള്ളൂ.
Discussion about this post