ചെന്നൈ: തമിഴ്നാട്ടില് കൊറോണ രോഗികളുടെ എണ്ണത്തിൽ വൻ വർദ്ധനവ്. കഴിഞ്ഞ 24 മണിക്കൂറിനിടെ സംസ്ഥാനത്ത് 161 പേര്ക്കാണ് രോഗം സ്ഥിരീകരിച്ചത്. ഇതില് 138 പേരും ചെന്നൈയില് നിന്നാണ്. ഇതോടെ ചെന്നൈ പരിഭ്രാന്തിയിലാണ്.
ചെന്നൈയില് ഇതുവരെ 906 പേര്ക്കാണ് കൊറോണ സ്ഥിരീകരിച്ചിരിക്കുന്നത്. തമിഴ്നാട്ടില് ഇതുവരെ 2323 പേര്ക്കാണ് രോഗം സ്ഥിരീകരിച്ചിരിക്കുന്നത്. അതിനിടെ12 വയസിന് താഴെയുള്ള 121 കുട്ടികള്ക്ക് ചൊവ്വാഴ്ച കൊറോണ സ്ഥിരീകരിച്ചത് ആശങ്കയ്ക്ക് കാരണമായി. കുട്ടികള്ക്ക് കൂട്ടത്തോടെ വൈറസ് ബാധ സ്ഥിരീകരിച്ചത് സാമൂഹിക വ്യാപനത്തിന്റെ സൂചനയാണെന്ന വിലയിരുത്തലുണ്ടായെങ്കിലും സംസ്ഥാന അത് നിരാകരിച്ചിരുന്നു.
Discussion about this post