തിരുവനന്തപുരം: ലോക്ഡൗണ് മാര്ഗരേഖയില് മാറ്റംവരുത്താന് സംസ്ഥാനങ്ങള്ക്ക് അധികാരം നല്കണമെന്ന് കേന്ദ്രത്തോട് അഭ്യർത്ഥിച്ച് കേരളം. റെഡ് സോണ് ഒഴികെയുള്ള സ്ഥലങ്ങളില് മെട്രോ ഉള്പ്പെടെ പൊതുഗതാഗതം അനുവദിക്കണമെന്നും പ്രധാനമന്ത്രി നരേന്ദ്ര മോദിയുമായിയുള്ള വിഡിയോ കോണ്ഫറൻസിൽ മുഖ്യമന്ത്രി പിണറായി വിജയൻ ആവശ്യപ്പെട്ടു.
ട്രെയിനുകളില് നിയന്ത്രണം വേണം. കേരളത്തിന്റെ പാസ് ഉള്ളവരെ മാത്രമേ ടിക്കറ്റ് ബുക്ക് ചെയ്യാന് അനുവദിക്കാവൂ. ഓണ്ലൈന് ബുക്കിങ് അനുവദിക്കുന്നത് രോഗവ്യാപനത്തിന് ഇടയാക്കുമെന്നും മുഖ്യമന്ത്രി പറഞ്ഞു.
ട്രെയിനുകള്ക്ക് എത്തിച്ചേരുന്ന സംസ്ഥാനത്ത് മാത്രമേ സ്റ്റോപ്പുകള് അനുവദിക്കാവൂ. ഇതര സംസ്ഥാനങ്ങളില് കുടുങ്ങിയവര്ക്കായി കൂടുതല് ട്രെയിനുകള് അനുവദിക്കണം. തിരിച്ചെത്തുന്ന പ്രവാസികളെ ഹോം ക്വാറന്റീനിലാക്കാന് അനുമതി വേണം. ആഭ്യന്തര വിമാനസര്വീസുകള് നിയന്ത്രിതമായി തുടങ്ങാം. പ്രവാസികള് വിമാനങ്ങളില് കയറുംമുന്പ് കൊറോണ ആന്റിബോഡി ടെസ്റ്റ് നിര്ബന്ധമാക്കണമെന്നും കേരളം ചൂണ്ടിക്കാട്ടി.
Discussion about this post