ചങ്ങനാശേരി: മകന് അമ്മയെ വെട്ടിക്കൊലപ്പെടുത്തി. ചങ്ങനാശേരി തൃക്കൊടിത്താനത്താണ് സംഭവം. തൃക്കൊടിത്താനം സ്വദേശി കുഞ്ഞന്നാമ്മ(55)യാണ് മരിച്ചത്. സംഭവവുമായി ബന്ധപ്പെട്ട് മകന് നിതിന് ബാബുവിനെ (27) പൊലീസ് അറസ്റ്റ് ചെയ്തു.
ഇന്നലെ രാത്രി പത്തരയോടെ ഇവരുടെ വീട്ടില് വച്ചായിരുന്നു സംഭവം.
കൊലയ്ക്കു ശേഷം അയല്ക്കാരനെ നിതിന് ഫോണില് വിളിച്ചു പറഞ്ഞു. വീടിനു മുന്നിലുള്ള ഗ്രില് പുറത്തു നിന്നു പൂട്ടിയ നിലയിലായിരുന്നു. പൊലീസ് എത്തി ഗ്രില് പൊളിച്ച് വീടിനുള്ളില് കടന്നപ്പോള് കിടപ്പുമുറിയില് കുഞ്ഞന്നാമ്മയെ കഴുത്തറത്ത നിലയില് കണ്ടെത്തുകയായിരുന്നു.
കറിക്കരിയുന്ന കത്തി ഉപയോഗിച്ചാണ് കൊലപാതകം നടത്തിയതെന്നാണു പൊലീസിന്റെ പ്രാഥമിക നിഗമനം. വിദേശത്തായിരുന്ന നിതിന് നിരന്തരം വീട്ടില് വഴക്കുണ്ടാക്കിയിരുന്നതായി പൊലീസ് പറഞ്ഞു. കുറ്റം സമ്മതിച്ച നിതിനെ തൃക്കൊടിത്താനം സിഐ അനൂപ് കൃഷ്ണയുടെ നേതൃത്വത്തിലുള്ള പൊലീസ് സംഘമാണ് കസ്റ്റഡിയില് എടുത്തത്.
Discussion about this post