റേറ്റിംഗിൽ പോരുമായി മലയാളത്തിലെ വാര്‍ത്താ ചാനലുകൾ. യുവപ്രേക്ഷകരില്‍ ഒന്നാമതെത്തിയെന്നാണ് ട്വന്റി ഫോര്‍ ന്യൂസ് ചാനലിന്റെ വാദം. എല്ലാ വിഭാഗങ്ങളിലും ഒന്നാം സ്ഥാനത്ത് തങ്ങളെന്ന് ഏഷ്യാനെറ്റ് ന്യൂസും വാദിക്കുന്നു. റേറ്റിംഗ് മത്സരം തുറന്ന പോരിലെത്തി നില്‍ക്കുകയാണ്.
ഒടുവില്‍ പുറത്തിറങ്ങിയ ബ്രോഡ്കാസ്റ്റ് ഓഡിയന്‍സ് റിസര്‍ച്ച് കൗണ്‍സില്‍ ഇന്ത്യ(ബാര്‍ക്) കണക്കുകള്‍ പ്രകാരം ജൂണ്‍ 19ന് അവസാനിച്ച ആഴ്ചയില്‍ ഏഷ്യാനെറ്റ് ന്യൂസ് ആണ് വിവിധ പ്രായ/ ലിംഗ വിഭാഗങ്ങളിലെ കാഴ്ചക്കാരില്‍ ഒന്നാം സ്ഥാനത്ത്. ഏഷ്യനെറ്റ് ന്യൂസ് 61,739 വീക്ക്‌ലി ഇംപ്രഷന്‍സ് നേടിയപ്പോള്‍ രണ്ടാം സ്ഥാനത്തുള്ള ട്വന്റി ഫോര്‍ 47,637 ഇംപ്രഷന്‍സ് നേടി. മൂന്നാം സ്ഥാനത്ത് മനോരമാ ന്യൂസ് (31189)ആണ്. നാലാം സ്ഥാനത്ത് മാതൃഭൂമി ന്യൂസും അഞ്ചാം സ്ഥാനത്ത് ന്യൂസ് 18 കേരളയും.
കേരളത്തിലെ നമ്പര്‍ വണ്‍ ന്യൂസ് ചാനല്‍ എന്ന അവകാശവാദത്തിനൊപ്പമാണ് ട്വന്റി ഫോറിന്റെ പുതിയ പരസ്യം. ശരാശരിയില്‍ അല്ല ശരിക്കും മുന്നിലെന്നാണ് ഏഷ്യാനെറ്റ് ന്യൂസിന്റെ മറുപടി പരസ്യം. ബാര്‍ക്ക് റേറ്റിംഗ് പ്രകാരം ഒന്നാം സ്ഥാനം തങ്ങള്‍ക്കാണെന്ന രേഖകളും ഏഷ്യാനെറ്റ് പരസ്യത്തില്‍ പറയുന്നു.
Discussion about this post