ഓഗസ്റ്റ് 5 നടക്കാനിരിക്കുന്ന രാമക്ഷേത്രത്തിന്റെ ഭൂമിപൂജക്ക് വേണ്ടിയുള്ള ഒരുക്കത്തിനിടെ ഒരു പത്തുവയസുകാരന്റെ വാര്ത്തയാണ് ഇപ്പോള് സമൂഹ മാധ്യമങ്ങളില് വൈറലാകുന്നത്. ദേവ് പരശർ എന്നാ പത്തുവയസുകാരൻ ഒരു പ്രത്യേക ദൗത്യം സ്വയമേ ഏറ്റെടുത്താണ് അയോദ്ധ്യയിലെത്തിയിരിക്കുന്നത്.
സ്വന്തം മാതൃരാജ്യത്തിന് വേണ്ടി ജീവത്യാഗം ചെയ്ത ധീരജവാന്മാരുടെ വീടുകള് സന്ദർശിക്കുക എന്നതാണ് ഈ കൊച്ചു മിടുക്കന്റെ ദൗത്യം.
11,000 ധീര ജവാന്മാരുടെ വീടുകൾ സന്ദർശിച്ചു ഒരു പിടി മണ്ണ് വീതം ശേഖരിക്കുക എന്നതാണ് ‘Little Soldier’ എന്ന വിളിപേര് ലഭിച്ച ദേവിന്റെ ദൗത്യം. ഓരോ വീടും സന്ദർശിഷിക്കുന്ന ദേവ് മടങ്ങുന്നതിനു മുന്പ് മേൽക്കൂരയിൽ ഒരു ത്രിവർണ്ണപതാക സ്ഥാപിക്കും.
1600 ഓളം ജവാൻമാരുടെ വീടുകളിൽ ദേവ് ഇതുവരെ സന്ദര്ശനം നടത്തി കഴിഞ്ഞു. വീടുകൾ സന്ദർശിച്ച് മണ്ണ് ശേഖരിക്കുന്നതിനൊപ്പം ജവാന്മാരുടെ സ്മാരകങ്ങളോ സ്തംഭങ്ങളോ ഉണ്ടെങ്കിൽ അത് വൃത്തിയാക്കുകയും ചെയ്താണ് ദേവ് മടങ്ങുന്നത്. മരണമടഞ്ഞ ധീരന്മാരുടെ വീട്ടിൽ നിന്ന് ശേഖരിച്ച മണ്ണ് ഒരു കുടത്തിലാക്കി അത് അയോധ്യയിലെത്തി ദേവ് കൈമാറും. ഈ മണ്ണ് പിന്നീട് രാമക്ഷേത്രത്തിന്റെ ഭൂമിപൂജയ്ക്കായി ഉപയോഗിക്കും.
ഓഗസ്റ്റ് 5 ന് പ്രധാനമന്ത്രി നരേന്ദ്രമോദി അയോധ്യയിൽ എത്തി ഭൂമി പൂജ ചടങ്ങുകളിൽ പങ്കെടുക്കുകയും ശേഷം ക്ഷേത്രത്തിന്റെ തറക്കൽ സ്ഥാപിക്കുകയും ചെയ്യും. ഉത്തർപ്രദേശ് മുഖ്യമന്ത്രിയ യോഗി ആദിത്യനാഥ് ഞായറാഴ്ച തന്നെ അയോധ്യ സന്ദർശിച്ചു. ഓഗസ്റ്റ് അഞ്ചിന് നടത്താനിരിക്കുന്ന ചടങ്ങുകളുടെ തയ്യാറെടുപ്പുകൾ വിലയിരുത്തു൦.
Discussion about this post