ലെബനന്: ബെയ്റൂട്ടില് വൻ സ്ഫോടനം. ഉഗ്രസ്ഫോടനത്തിൽ മരിച്ചവരുടെ എണ്ണം 78 ആയി. നാലായിരത്തിലധികം പേര്ക്ക് പരിക്കേറ്റു. വെയര്ഹൗസില് സൂക്ഷിച്ചിരുന്ന 2750 ടണ് അമോണിയം നൈട്രേറ്റ് പൊട്ടിത്തെറിച്ചാണ് അപകടമുണ്ടായതെന്നാണ് പ്രാഥമിക നിഗമനം.
സ്ഫോടനത്തില് നിരവധി കെട്ടിടങ്ങള് തകര്ന്നു. ബെയ്റൂട്ടില് രണ്ടാഴ്ച അടിയന്തരാവസ്ഥ പ്രഖ്യാപിച്ചു. കുറ്റക്കാര്ക്കെതിരെ കര്ശന നടപടിയുണ്ടാകുമെന്നും ലെബനന് സര്ക്കാര് അറിയിച്ചു. സ്ഫോടന ശബ്ദം 240 കിലോമീറ്റര് ദൂരെ വരെ കേട്ടു. മരണസംഖ്യ ഇനിയും ഉയരാന് സാദ്ധ്യതയുണ്ടെന്നാണ് പുറത്തുവരുന്ന റിപ്പോര്ട്ടുകള്.
ബെയ്റൂട്ടിലുണ്ടായത് ആക്രമണമാണെന്ന് അമേരിക്കന് പ്രസിഡന്റ് ഡൊണാള്ഡ് ട്രംപ് ആരോപിച്ചു. സ്ഫോടനത്തില് പങ്കില്ലെന്ന് ഇസ്രായേല് അറിയിച്ചു. മുന് പ്രധാനമന്ത്രി റെഫിക്ക് അല്ഹരീരിയുടെ കൊലപാതകത്തിന്റെ വിധി വരാനിരിക്കെയാണ് സ്ഫോടനം.
Discussion about this post