ഭുവനേശ്വര്: പ്രധാനമന്ത്രി നരേന്ദ്രമോദിക്കെതിരെയും ഉത്തര് പ്രദേശ് മുഖ്യമന്ത്രി യോഗി ആദിത്യനാഥിനെതിരെയും സമൂഹമാധ്യമങ്ങളില് വിദ്വേഷപ്രചാരണം നടത്തിയ യുവാവ് അറസ്റ്റില്. ഒഡീഷയിലെ കട്ടക്ക് ജില്ലക്കാരനാണ് അറസ്റ്റിലായത്.
വ്യാഴാഴ്ച രാവിലെ ഉത്തര് പ്രദേശ് പൊലീസ് സംഘമാണ് ഇയാളെ അറസ്റ്റ് ചെയ്തത്.
രാജ്യദ്രോഹം ഉള്പ്പെടെയുള്ള കുറ്റമാണ് ഇയാള്ക്കെതിരെ ചുമത്തിയിട്ടുണ്ടെന്നാണ് റിപ്പോര്ട്ട്. ഒഡീഷയിലെ സാലിപൂരില് ചെറിയ വ്യാപാര സ്ഥാപനം നടത്തുകയായിരുന്ന ഇയാള് പ്രധാനമന്ത്രിക്കെതിരെയും യുപി മുഖ്യമന്ത്രിക്കെതിരെയും വിദ്വേഷം വമിപ്പിക്കുന്ന രീതിയിലുള്ള സന്ദേശങ്ങള് അയച്ചെന്നാണ് പരാതി.
സമൂഹമാധ്യമങ്ങളില് സന്ദേശം വൈറലായതോടെയാണ് ഇയാള്ക്കെതിരെ പരാതി ലഭിച്ചത്. ഇയാളെ റിമാന്ഡ് ചെയ്തു.
Discussion about this post