തിരുവനന്തപുരം: ദേശീയ ഗെയിംസ് അക്രഡിറ്റഷന്‍ ചെയര്‍മാന്‍ സ്ഥാനത്തുനിന്ന് രാജി വെയ്ക്കാനുള്ള തീരുമാനത്തില്‍ നിന്ന് കെ.മുരളീധരന്‍ എംഎല്‍എ പിന്മാറി.മുഖ്യമന്ത്രി ഉമ്മന്‍ചാണ്ടിയുടെ ഇടപെടലിനെത്തുടര്‍ന്നാണ് പിന്മാറ്റം.ദേശീയ ഗെയിംസിനെക്കുറിച്ചുള്ള പരാതികള്‍ ഗെയിംസിന് ശേഷം പരിശോധിക്കാമെന്ന് മുഖ്യമന്ത്രി ഉറപ്പ് നല്‍കി.
ദേശീയ ഗെയിംസ് നടത്തിപ്പില്‍ അഴിമതി നടക്കുന്നുണ്ടെന്നാരോപിച്ചായിരുന്നു മുരളീധരന്‍ രാജി വെയ്ക്കാന്‍ തീരുമാനിച്ചത്. ക്രമക്കേടുകള്‍ ചൂണ്ടിക്കാട്ടിയിട്ടും പരിഹരിക്കാന്‍ ശ്രമിച്ചില്ലെന്ന് മുരളീധരന്‍ ആരോപിച്ചിരുന്നു .ചെയര്‍മാന്‍ സ്ഥാനത്തുനിന്ന് നാളെ രാജിവെക്കുമെന്നും അക്രഡിറ്റേഷന്‍ കാര്‍ഡ് തിരിച്ചേല്‍പ്പിക്കുമെന്നുമയിരുന്നു മുരളീധരന്‍ നേരത്തെ പറഞ്ഞത്.
Discussion about this post