തിരുവനന്തപുരം: കേരള പോലീസ് ഹെലികോപ്റ്റര് വാടകയ്ക്ക് എടുത്ത വകയില് സര്ക്കാരിന് കോടികളുടെ നഷ്ടമെന്ന് റിപ്പോർട്ട്. കഴിഞ്ഞ ആറ് മാസത്തിനിടെ അഞ്ച് പ്രാവശ്യം മാത്രം പറന്ന ഹെലികോപ്റ്ററിന് വേണ്ടി സര്ക്കാര് വാടക നല്കേണ്ടി വരുന്നത് 10 കോടിയില് അധികം രൂപ. വിവരാവകാശ നിയമ പ്രകാരം അപേക്ഷിച്ചിട്ടും ഹെലിക്കോപ്റ്റര് വാടകയുടെ വിവരങ്ങള് പൊലീസ് ഇതുവരെയും പുറത്ത് വിട്ടിട്ടില്ലെന്നും ഒരു സ്വകാര്യ മാധ്യമം റിപ്പോർട്ട് ചെയ്യുന്നു.
കഴിഞ്ഞ ഫെബ്രുവരിയില് ഹെലികോപ്റ്റര് വാടകയ്ക്ക് എടുക്കാന് അനുമതി നല്കി ധനകാര്യ വകുപ്പ് ഇറക്കിയ ഉത്തരവ് പ്രകാരം പതിനെട്ട് ശതമാനം ജിഎസ്ടി കൂടി ഉള്പ്പെടുത്തി 1,70,63,000 രൂപ ആയിരുന്നു അനുവദിച്ച തുക. ഒരു മാസം 20 മണിക്കൂര് പറക്കാനാണ് ഈ തുക. പറന്നാലും പറന്നില്ലെങ്കിലും ഈ തുക ഡല്ഹി ആസ്ഥാനമായ പവന് ഹാന്സ് എന്ന കമ്പനിക്ക് നല്കണം.
ആദ്യ ഗഡു നല്കിയതിനെ തുടര്ന്നാണ് മാര്ച്ച് മാസത്തില് ഹെലികോപ്റ്റര് എത്തിയത്. തുടര്ന്ന് ഈ സാമ്പത്തിക വര്ഷം ഏപ്രില് മുതല് സെപ്റ്റംബര് വരെയുള്ള വാടക കണക്കാക്കിയാല് 10,23,76,800 രൂപയാണ് സര്ക്കാര് പവന് ഹന്സിന് നല്കേണ്ടി വരുന്നതെന്നും മാധ്യമറിപ്പോർട്ടിൽ പറയുന്നു.
Discussion about this post