സംഭരണിയിലെ ജല നിരപ്പ് 2391.04 അടിയിലെത്തിയതിനാല് ആദ്യ ജാഗ്രതാ നിര്ദ്ദേശം ബ്ലൂ അലേര്ട്ട് പുറപ്പെടുവിച്ചു. ഡാം സുരക്ഷാ വിഭാഗം സ്ഥിതിഗതികള് സൂഷ്മമായി വിലയിരുത്തി വരികയാണെന്ന് അധികൃതര് അറിയിച്ചു.
ഒക്ടോബര് 20 ന് മുന്പേ ജലനിരപ്പ് 2396.85 അടിയിലെത്തിയാല് ഓറഞ്ച് അലര്ട്ടും, 2397.85 അടിയിലെത്തിയാല് റെഡ് അലര്ട്ടും പുറപ്പെടുവിക്കും. ജലനിരപ്പ് 2398.85 അടിയിലെത്തിയാല് തുറക്കും. കണ്ട്രോള് റൂം തുറന്നു. ഫോണ്: 9496011994.
അതേസമയം സംസ്ഥാനത്ത് വരും ദിവസങ്ങളിലും അതിശക്തമായ മഴ തുടരും. ബംഗാള് ഉള്ക്കടലില് രൂപം കൊണ്ട ന്യൂനമര്ദം അതിതീവ്ര ന്യൂനമര്ദമായതായി കാലാവസ്ഥ കേന്ദ്രം അറിയിച്ചു. സംസ്ഥാനത്തെ 11 ജില്ലകളില് യെല്ലോ അലേര്ട്ട് പ്രഖ്യാപിച്ചു.
ചൊവ്വാഴ്ചയോടെ ബംഗാള് ഉള്ക്കടലില് രൂപം കൊണ്ട ന്യൂനമര്ദം കര കടക്കുമെന്നാണ് കാലാവസ്ഥാ പ്രവചനം. തിരുവനന്തപുരം, കൊല്ലം, പത്തനംതിട്ട ഒഴികെയുള്ള ജില്ലകളിലാണ് ചൊവ്വാഴ്ച യെല്ലോ അലേര്ട്ട് പ്രഖ്യാപിച്ചിരിക്കുന്നത്. കേരള-കര്ണാടക തീരങ്ങളില് മണിക്കൂറില് 40 മുതല് 50 കിമീ വരെ വേഗതയില് ശക്തമായ കാറ്റിന് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്.
Discussion about this post