കൊവിഡ് സാഹചര്യത്തില് തിയേറ്ററിൽ സിനിമാ റിലീസ് ഇല്ലാത്തതിനാൽ പ്രേക്ഷകര്ക്ക് ദീപാവലിക്കാഴ്ചയൊരുക്കാന് ഒ.ടി.ടികള് തയ്യാറെടുത്തു കഴിഞ്ഞു. അക്ഷയ് കുമാര് നായകനാകുന്ന ഹിന്ദി ഹൊറര് കോമഡി ചിത്രം ലക്ഷ്മി ബോംബ് ഡിസ്നി ഹോട്ട്സ്റ്റാറിലൂടെ നവംബര് 9 ന് റിലീസ് ചെയ്യും. കീര്ത്തി സുരേഷ് പ്രധാനവേഷത്തിലെത്തുന്ന തെലുങ്ക് ചിത്രം മിസ് ഇന്ത്യ നവംബര് നാലിന് നെറ്റ്ഫ്ളിക്സിലൂടെയെത്തും. ഡാര്ക് കോമഡി വിഭാഗത്തിലുള്ള ബോളിവുഡ് ആന്തോളജി, ലൂഡോ നവംബര് 12 ന് നെറ്റ്ഫ്ളിക്സിലൂടെ സ്ട്രീം ചെയ്യും. അഭിഷേക് ബച്ചന് അടക്കമുള്ളവരുടെ ചിത്രങ്ങള് ഇതിലുണ്ട്.
സൂര്യ നായകനാകുന്ന തമിഴ് ചിത്രം സുരരൈ പോട്ര് നവംബര് 12 ന് ആമസോണ് പ്രൈം വഴി പ്രേക്ഷകരിലെത്തും. ഹിന്ദി ബ്ലാക്ക് ഹ്യൂമര് ചിത്രം ഛലാങ് നവംബര് 13 ന് ആമസോണ് പ്രൈമിലൂടെ കാണികളിലേക്കെത്തും. തെലുങ്ക് ചിത്രം മാ വിന്ത ഗധ വിനുമ നവംബര് 13 ന് അഹ വീഡിയോയിലൂടെ റിലീസ് ചെയ്യപ്പെടും. നയന്താര മുഖ്യ കഥാപാത്രമാകുന്ന തമിഴ് ചിത്രം മൂക്കുത്തി അമ്മന് നവംബര് 14 ന് ഡിസ്നി ഹോട്ട്സ്റ്റാറിലൂടെയുമാണ് കാണികളിലേക്കെത്തുന്നത്.
Discussion about this post