പാരീസ്: തുര്‍ക്കിയുടെ തീവ്ര ദേശീയവാദ ഗ്രൂപ്പ് ‘ ഗ്രേ വോള്‍വ്‌സി ‘നെ നിരോധിക്കാനൊരുങ്ങി ഫ്രാന്‍സ്. ഇസ്ലാമിക തീവ്രവാദികള്‍ക്കെതിരെ നിലപാട് കടുപ്പിക്കുന്നതിന്റെ ഭാഗമായാണ് പുതിയ നീക്കം.
ദിവസങ്ങള്‍ക്ക് മുന്‍പ് അര്‍മേനിയന്‍ സ്മാരകത്തില്‍ തുര്‍ക്കി അനുകൂല മുദ്രാവാക്യങ്ങളും ഗ്രേ വോള്‍വ്‌സ് ലിഖിതങ്ങളും എഴുതിവച്ചതായി ഫ്രാന്‍സ് ടെലിവിഷനുകള്‍ റിപ്പോര്‍ട്ട് ചെയ്തിരുന്നു. ഫ്രാന്‍സും തുര്‍ക്കിയും തമ്മിലുള്ള വര്‍ദ്ധിച്ചുവരുന്ന സംഘര്‍ഷങ്ങളിലും നാഗൊര്‍നോ- കറാബഖ് സംഘര്‍ഷത്തിലും ഗ്രേ വോള്‍വ്‌സിന് പങ്കുണ്ടെന്നാണ് ഫ്രാന്‍സിന്റെ ആരോപണം. തുര്‍ക്കി പ്രസിഡന്റ് തയിപ്പ് എര്‍ദോഗന്‍ ജസ്റ്റിസ് ആന്റ് ഡവലപ്മെന്റ് പാര്‍ട്ടിയുമായും ഗ്രേ വോള്‍വ്‌സിനു ബന്ധമുണ്ട്.
ലിയോണ്‍, ഗ്രെനോബിള്‍ പ്രദേശങ്ങളില്‍ തുര്‍ക്കി പതാകകളുമേന്തി നടന്ന രണ്ട് അര്‍മേനിയന്‍ വിരുദ്ധ പ്രകടനങ്ങളുമായി ഈ സംഘത്തിന് ബന്ധമുണ്ടെന്നും ഫ്രാന്‍സ് പറയുന്നു.
Discussion about this post