ബംഗളൂരു: ബിനീഷ് കോടിയേരിയുടെ ബിനാമിയെന്ന് സംശയിക്കുന്ന കാര് പാലസ് ഉടമ അബ്ദുള് ലത്തീഫ് എന്ഫോഴ്സ്മെന്റ് ഡയറക്ടറേറ്റിന്റെ മുന്നില് ഹാജരായി. ഒളിവിലായിരുന്ന ഇയാള് നാടകീയമായി എന്ഫോഴ്സ്മെന്റിന്റെ മുന്നില് ഹാജരാകുകയായിരുന്നു. ലഹരി മരുന്ന് ഇടപാടിന്റെ മറവില് കള്ളപ്പണം വെളുപ്പിച്ച കേസില് നോട്ടീസ് കിട്ടിയതിനെ തുടര്ന്നാണ് ഇയാള് ഇഡിയ്ക്ക് മുന്നില് എത്തിയത്.
ഇയാളെയും ബിനീഷിനെയും ഒരുമിച്ചിരുത്തി ചോദ്യം ചെയ്യണമെന്ന് എന്ഫോഴ്സ്മെന്റ് ഡയറക്ടറേറ്റ് നേരത്തെ കോടതിയെ അറിയിച്ചിരുന്നു. നവംബര് രണ്ടിന് ഹാജരാകാനായിരുന്നു ഇഡി അറിയിച്ചിരുന്നത്. എന്നാല് നോട്ടീസ് കിട്ടിയതിന് പിന്നാലെ ഇയാള് ഒളിവില് പോകുകയായിരുന്നു. ലത്തീഫിനെ കൂടാതെ ബിനീഷ് കോടിയേരിയുടെ ബിനാമികളെന്ന് സംശയിക്കുന്ന ഡ്രൈവര് അനികുട്ടന്, എസ്.അരുണ് എന്നിവരോടും ഹാജരാകാന് ഇഡി നിര്ദേശം നല്കിയിരുന്നു. ഇവരും ഒളിവിലാണ്.
അതേസമയം ബിനീഷിനെ നര്ക്കോട്ടിക് കണ്ട്രോള് ബ്യുറോ ചോദ്യം ചെയ്തുവരികയാണ്. മയക്കുമരുന്നുമായി പിടിയിലായ അനൂപ് മുഹമ്മദുമായുള്ള സാമ്പത്തിക ഇടപാടുമായി ബന്ധപ്പെട്ടാണ് ബിനീഷിനെ കസ്റ്റഡിയിലെടുത്തത്.
Discussion about this post