മോസ്കോ: കൊവിഡ് പ്രതിരോധ വാക്സിനായ സ്പുട്നിക് പ്രതിവര്ഷം 10 കോടി ഡോസ് ഇന്ത്യ നിര്മിക്കുമെന്ന് റഷ്യ. ഇന്ത്യയിലെ പ്രമുഖ മരുന്ന് നിര്മാണ കമ്പനിയായ ഹെറ്ററോയുമായി സഹകരിച്ചാണ് റഷ്യയുടെ കൊവിഡ് പ്രതിരോധ വാക്സിനായ സ്പുട്നിക് ഇന്ത്യ ഉല്പാദനം ആരംഭിക്കുന്നത്.
ഇതിനായി ഇന്ത്യയും റഷ്യയും ധാരണയിലെത്തിയതായി റഷ്യന് ഡയറക്ട് ഇന്വെസ്റ്റ്മെന്റ് ഫണ്ട് (ആര്.ഡി.ഐ.എഫ്) അറിയിച്ചു. 2021-ല് ഉല്പാദനം ആരംഭിക്കാനാവുമെന്നാണ് പ്രതീക്ഷിക്കുന്നത്. ഇന്ത്യയെ കൂടാതെ ബ്രസീല്, ചൈന, ദക്ഷിണ കൊറിയ എന്നീ രാജ്യങ്ങളും മരുന്ന് ഉല്പാദനത്തില് പങ്കാളിയാകുമെന്ന് ആര്.ഡി.ഐ.എഫ് വ്യക്തമാക്കി.
കോവിഡിനെ പ്രതിരോധിക്കാന് ലോകത്ത് വികസിപ്പിക്കപ്പെട്ട ഏറ്റവും ഫലപ്രാപ്തിയുള്ള മരുന്നായാണ് സ്പുട്നിക്കിനെ വിലയിരുത്തുന്നത്. സ്പുട്നിക്കിന്റെ ക്ലിനിക്കല് പരീക്ഷണത്തിന്റെ ഇടക്കാല ഫലം കഴിഞ്ഞ ആഴ്ചയുടെ തുടക്കത്തില് റഷ്യന് അധികൃതര് പുറത്തുവിട്ടിരുന്നു. ഇതില് 95 ശതമാനം വിജയം കാണിച്ചുവെന്നാണ് അവര് അവകാശപ്പെട്ടിരുന്നത്.
ആഗസ്റ്റിലാണ് റഷ്യ ഔദ്യോഗികമായി കോവിഡ് വാക്സിന് പുറത്തുവിടുന്നത്. ഒന്നും രണ്ടും ക്ലിനിക്കല് പരീക്ഷണം പൂര്ത്തിയാക്കിയ ശേഷമാണ് ക്ലിനിക്കല് പരീക്ഷണത്തിന്റെ മൂന്നാം ഘട്ടത്തിലേക്ക് കടന്നിരിക്കുന്നത്. അതോടൊപ്പം 40,000ത്തോളം സന്നദ്ധ പ്രവര്ത്തകരില് വാക്സിന് പരീക്ഷിക്കുകയും ചെയ്തിരുന്നു.
എങ്കിലും അവസാനഘട്ട പരീക്ഷണം പൂര്ത്തിയായാല് മാത്രമേ വലിയ അളവില് മരുന്ന് ഉല്പാദിപ്പിക്കാനാവൂ. യു.എ.ഇ, വെനിസ്വേല തുടങ്ങിയ രാജ്യങ്ങളില് മൂന്നാംഘട്ട പരീക്ഷണം പുരോഗമിക്കുകയാണ്.
Discussion about this post