കൊല്ക്കത്ത: തൃണമൂല് കോണ്ഗ്രസ് വിമതന് സുവേന്ദു അധികാരിയെ ബിജെപിയിലേക്ക് സ്വാഗതം ചെയ്ത് കേന്ദ്ര ആഭ്യന്തരമന്ത്രി അമിത് ഷാ. പശ്ചിമ ബംഗാളിലെ മിഡ്നാപൂരില് നടന്ന മെഗാ റാലിയില് വെച്ചാണ് സുവേന്ദു ബിജെപിയിൽ ചേർന്നത്.
‘എന്തുകൊണ്ടാണ് ഇത്രയധികം ആളുകള് തൃണമൂല് കോണ്ഗ്രസ് വിടുന്നത്? മമത ബാനര്ജിയുടെ അഴിമതി, സ്വജനപക്ഷപാതം എന്നിവയാണ് കാരണം. ദീദി, ഇത് ഒരു തുടക്കം മാത്രമാണ്. തിരഞ്ഞെടുപ്പ് വരുമ്ബോഴേക്കും നിങ്ങള് ഒറ്റയ്ക്കാകും,’ അദ്ദേഹം പറഞ്ഞു.
പശ്ചിമബംഗാളില് നിയമസഭാ തിരഞ്ഞെടുപ്പ് നടക്കാന് അഞ്ച് മാസം മാത്രം അവശേഷിക്കെ രണ്ട് ദിവസത്തെ സന്ദര്ശനത്തിനായി ഇന്ന് പുലര്ച്ചെയാണ് കേന്ദ്ര ആഭ്യന്തര മന്ത്രി അമിത് ഷാ ബംഗാളിലെത്തിയത്. ഗുരുദേവ് ടാഗോര്, ഈശ്വര് ചന്ദ്ര വിദ്യാസാഗര്, ശ്യാമ പ്രസാദ് മുഖര്ജി തുടങ്ങിയ മഹാന്മാരുടെ ഈ ദേശത്തിന് ഞാന് വഴങ്ങുന്നുവെന്നാണ് ഇതിന് പിന്നാലെ’ ഷാ ട്വീറ്റില് കുറിച്ചത്.
സര്ക്കാര് പരാജയപ്പെട്ടതിനാലാണ് താന് പാര്ട്ടിയില് നിന്ന് രാജിവച്ചതെന്ന് സുവേന്ദു അധികാരി ടിഎംസി പ്രവര്ത്തകര്ക്ക് എഴുതിയ കത്തില് വ്യക്തമാക്കി. തന്റെ ആറ് പേജുള്ള കത്തില്, താന് എന്ന വ്യക്തിയെ വിശ്വസിക്കണമെന്ന് അദ്ദേഹം പ്രവര്ത്തകരോട് അഭ്യര്ത്ഥിച്ചു. ടിഎംസി ആരുടേയും കുത്തകാധികാരത്തില് പെടുന്നതല്ലെന്നും ഒരു വ്യക്തി ഒരു ദിവസം കൊണ്ട് നിര്മ്മിച്ചതല്ലെന്നും അദ്ദേഹം പറഞ്ഞു.
Discussion about this post