തിരുവനന്തപുരം: ചലച്ചിത്ര അക്കാദമിയില് ഇടതുപക്ഷ അനുഭാവമുള്ളവരെ സ്ഥിരപ്പെടുത്തണമെന്നാവശ്യപ്പെട്ട് മന്ത്രി എ.കെ. ബാലന് അക്കാദമി ചെയര്മാനും സംവിധായകനുമായ കമൽ അയച്ച കത്ത് പുറത്ത്. പ്രതിപക്ഷ നേതാവ് രമേശ് ചെന്നിത്തലയാണു കത്തു നിയമസഭയില് പുറത്തുവിട്ടത്.
നാലു താത്കാലിക ജീവനക്കാരെ സ്ഥിരപ്പെടുത്തുന്നതുമായി ബന്ധപ്പെട്ട് കമല് നല്കിയ കത്തിന്റെ പകര്പ്പാണു പുറത്തുവന്നത്. സ്ഥിരപ്പെടുത്തുന്നതിനുള്ള കാരണങ്ങളുടെ കൂട്ടത്തിലാണ് ഇടതുപക്ഷ ബന്ധം വിവരിച്ചിരിക്കുന്നത്. നാല് താല്ക്കാലിക ജീവനക്കാരെ സ്ഥരപ്പെടുത്തുന്നതുമായി ബന്ധപ്പെട്ട് കമല് നല്കിയ കത്തിന്റെ പകര്പ്പാണ് പുറത്തുവന്നത്. കഴിഞ്ഞ ഓഗസ്റ്റ് മാസമാണ് കമല് ഇത്തരമൊരു കത്ത് മന്ത്രിക്ക് നല്കിയത്. ഷാജി എച്ച്. (ഡെപ്യൂട്ടി ഡയറക്ടര്, ഫെസ്റ്റിവല്), റിജോയ് കെ.ജെ. (പ്രോഗ്രാം മാനേജര്, ഫെസ്റ്റിവല്), എന്.പി. സജീഷ് (ഡെപ്യൂട്ടി ഡയറക്ടര്, പ്രോഗ്രാംസ്), വിമര് കുമാര് വി. പി. (പ്രോഗ്രാം മാനേജര്, പ്രോഗ്രാംസ്) എന്നിവരെ സ്ഥിരപ്പെടുത്തണമെന്നാണ് കത്തില് ആവശ്യപ്പെട്ടിരിക്കുന്നത്. സ്ഥിരപ്പെടുത്തുന്നതിനുള്ള കാരണങ്ങളുടെ കൂട്ടത്തില് രണ്ടാം പേജിലെ അഞ്ചാം ഖണ്ഡികയിലാണ് ഇവരുടെ ഇടതുപക്ഷ ബന്ധം വിവരിച്ചിരിക്കുന്നത്.
ചലച്ചിത്ര അക്കാദമിയുടെ ഇടതുപക്ഷ സ്വഭാവം നിലനിര്ത്തുന്നതിന് ഇതു സഹായകരമായിരിക്കുമെന്നാണു കമല് കത്തില് പറയുന്നത്.
Discussion about this post