വാഹനാപകടത്തില്‍ പരിക്കേറ്റ് ഗോവ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ച കേന്ദ്ര ആയുഷ് മന്ത്രി ശ്രീപദ് വൈ. നായിക്കിന്‍റെ ആരോഗ്യനില മെച്ചപ്പെട്ടുവെന്ന് ഡോക്ടര്‍മാര്‍ അറിയിച്ചു. കൈകള്‍ക്കും കാലിനും പരിക്കേറ്റ 68കാരനായ മന്ത്രിയുടെ ആരോഗ്യനില തൃപ്തികരമാണെന്നും അപകടനില തരണം ചെയ്തുവെന്നും ആശുപത്രി വൃത്തങ്ങള്‍ അറിയിച്ചു. എയിംസിലെ ഡോ.എസ്. രാജേശ്വരിയുടെ നേതൃത്വത്തിലുള്ള സംഘമാണ് മന്ത്രിയെ നിരീക്ഷിക്കുന്നത്.
തിങ്കളാഴ്ച രാത്രി ഒമ്പതു മണിയോടെ കര്‍ണാടകയിലെ അങ്കോളക്കടുത്ത ഹൊസകംബിയില്‍ മന്ത്രിയും കുടുംബവും സഞ്ചരിച്ച കാര്‍ മറിഞ്ഞ് മന്ത്രിയുടെ ഭാര്യ വിജയയും പേഴ്സനല്‍ സെക്രട്ടറി ദീപക് ദുബെയും മരിച്ചിരുന്നു.
നോര്‍ത്ത് ഗോവയിലെ ബി.ജെ.പി എം.പിയായ ശ്രീപദ് നായിക് ധര്‍മസ്ഥലയില്‍ നിന്ന് ഗോവയിലേക്കു മടങ്ങുമ്പോഴായിരുന്നു അപകടം. രാത്രി 11 മണിയോടെയാണ് മന്ത്രിയെ ഗോവ മെഡിക്കല്‍ കോളജിലേക്കു മാറ്റിയത്.
Discussion about this post