വാഷിങ്ടണ്: പ്രസിഡന്റ് പദവിയില് നിന്ന് സ്ഥാനമൊഴിയാന് ദിവസങ്ങള് മാത്രം ശേഷിക്കെ ചൈനയ്ക്ക് വീണ്ടും പ്രഹരമേല്പ്പിച്ച് അമേരിക്കൻ പ്രസിഡന്റ് ഡൊണൾഡ് ട്രംപ്. ദക്ഷിണ ചൈനാകടലിലെ ചൈനയുടെ നീക്കങ്ങളുടെ പേരില് ഉദ്യോഗസ്ഥര്ക്കും ചൈനീസ് കമ്പനികള്ക്കും ഉപരോധമേര്പ്പെടുത്തിയിരിക്കുകയാണ്.
കൂടാതെ, ചൈനീസ് സൈന്യവുമായി ബന്ധമുണ്ടെന്നാരോപിച്ച് കൊമാക്, ഷവോമി എന്നിവയുള്പ്പെടെയുള്ള ഒമ്പത് കമ്പനികളെ പെന്റഗണിന്റെ പട്ടികയില് ഉള്പ്പെടുത്തി. കരിമ്പട്ടികയില്പെട്ട ഈ കമ്പനികളില് നിന്ന് ഓഹരികള് പിന്വലിക്കുന്നതിന് അമേരിക്കന് നിക്ഷേപകര് ഇതോടെ നിര്ബന്ധിതരാകും.
കൊമാക്, ഷവോമി എന്നീ കമ്പനികള്ക്ക് പുറമേ അഡ്വാന്സ്ഡ് ഫാബ്രിക്കേഷന് എക്യുപ്മെന്റ് ഇന്കോര്പറേഷന്സ്, ലുവോകുങ് ടെക്നോളജി കോര്പ്, ബീജിങ് ഷോങ്കുവാന്കുങ് ഡെവലപ്പ്മെന്റ് ഇന്വെസ്റ്റ്മെന്റ് സെന്റര്, ഗോവിന് സെമികണ്ടക്ടര് കോര്പ്, ഗ്രാന്ഡ് ചൈന എയര് കോ ലിമിറ്റഡ്, ഗ്ലോബല് ടോണ് കമ്യൂണിക്കേഷന് ടെക്നോളജി കോ.ലിമിറ്റഡ്, ചൈന നാഷണല് ഏവിയേഷന് ഹോള്ഡിങ് ടോ ലിമിറ്റഡ് എന്നിവരെയും പട്ടികയില് ഉള്പ്പെടുത്തിയിട്ടുണ്ട്.
Discussion about this post