തിരുവനന്തപുരം: വികസനത്തിനായി തിരുവനന്തപുരത്തെ വിമാനത്താവളം സ്വകാര്യ വ്യകതികള്ക്ക് കൈമാറിയത് സംബന്ധിച്ച് മുഖ്യമന്ത്രി നിയമസഭയില് പറഞ്ഞത് വസ്തുതകള്ക്ക് നിരക്കാത്ത കാര്യങ്ങളെന്ന് കേന്ദ്രമന്ത്രി വി.മുരളീധരന്. ലേലത്തില് പങ്കെടുത്ത ശേഷം കൈമാറ്റം ശരിയല്ലെന്ന വിചിത്രവാദമാണ് മുഖ്യമന്ത്രി ഉയര്ത്തുന്നതെന്ന് അദ്ദേഹം ആരോപിച്ചു.
“സംസ്ഥാന സര്ക്കാര് കമ്പനിയേക്കാള് കൂടുതല് തുക കാണിച്ചതിനാല് ആണ് അദാനി ഗ്രൂപ്പിന് വിമാനത്താവളം കൈമാറിയത്. 168 കോടി രൂപയായിരുന്നു അദാനി ഗ്രൂപ്പിന്റെ ലേല തുക. സംസ്ഥാന സര്ക്കാര് നിയന്ത്രത്തിലുള്ള കേരളാ സ്റ്റേറ്റ് ഇന്ഡസ്ട്രിയല് ഡവലപ്മെന്റ് കോര്പ്പറേഷന് 135 കോടിയാണ് മുന്നോട്ട് വച്ചിരുന്നത്. വിമാനത്താവളം നടത്തി പരിചയം ഉണ്ടെന്ന് മുഖ്യമന്ത്രി പറയുന്ന പ്രധാന കമ്പനിയായ സിയാലിനെ ലേലത്തില് പങ്കെടുപ്പിക്കാതെ പ്രത്യേകം കമ്പനി രൂപീകരിച്ചത് ആരുടെ താത്പര്യമായിരുന്നു എന്ന് മുഖ്യമന്ത്രി വ്യക്തമാക്കണമെന്നും അദ്ദേഹം വ്യക്തമാക്കി.
മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി ശിവശങ്കരനടക്കമുള്ളവരാണോ ഇതിന് പിന്നിലെന്ന് അന്വേഷിക്കുകയാണ് മുഖ്യമന്ത്രി ചെയ്യേണ്ടത്. അല്ലാതെ അനാവശ്യമായി കേന്ദ്രത്തെ പഴിചാരി ജനങ്ങളെ തെറ്റിദ്ധരിപ്പിക്കുകയല്ല വേണ്ടതെന്നും കേന്ദ്രമന്ത്രി കൂട്ടിച്ചേർത്തു.
പൊതുഗതാഗത സംവിധാനം പോലും ശരിയായ രീതിയില് നടപ്പാക്കാന് കഴിയാത്ത കേരളാ സര്ക്കാര് വിമാനതാവള നടത്തിപ്പില് കേന്ദ്രത്തിനെതിരെ വിമര്ശനം ഉന്നയിക്കുന്നത് തീര്ത്തും അപഹാസ്യമാണെന്നും മുരളീധരന് കുറ്റപ്പെടുത്തി.
Discussion about this post