വാഷിംഗ്ടൺ: ചൈനയിൽ ഉയിഗർ മുസ്ലിങ്ങൾക്കു നേരെ നടക്കുന്നത് വംശഹത്യയെന്ന് ട്രംപ് ഭരണകൂടം. അധികാരത്തിൽ നിന്നൊഴിയാൻ മണിക്കൂറുകൾ ശേഷിക്കെയാണ് ഉയിഗർ മുസ്ലിം വിഷയത്തിൽ യു.എസ് സ്റ്റേറ്റ് സെക്രട്ടറി മൈക്ക് പോംപിയോ പ്രതികരിച്ചത്.
ചൈന മനുഷ്വത്വത്തിന് നേരെ വംശഹത്യാപരമായ കുറ്റങ്ങൾ ചെയ്തുവെന്ന് മനസിലായെന്നാണ് പോംപിയോ ട്വിറ്ററിലൂടെ അറിയിച്ചത്.
”ലഭ്യമായ വിവരങ്ങൾ പരിശോധിച്ചതിന്റെ അടിസ്ഥാനത്തിൽ ചൈന ഉയിഗർ മുസ്ലിങ്ങൾക്കും മറ്റ് മത ന്യൂനപക്ഷ വിഭാഗങ്ങൾക്കുമെതിരെ വംശഹത്യ നടത്തിയെന്ന് വ്യക്തമായിട്ടുണ്ട്,” പോംപിയോ പ്രസ്താവനയിൽ പറഞ്ഞു. ഇപ്പോഴും ചൈനയിൽ ഉയിഗർ മുസ്ലിങ്ങൾക്കു നേരെ വംശഹത്യ തുടരുന്നുണ്ടെന്നും പോംപിയോ കൂട്ടിച്ചേർത്തു.
Discussion about this post