ഡല്ഹി: പ്രകോപനപരവും വിഭാഗീയവുമായ പ്രതികരണങ്ങള് ഉള്ക്കൊള്ളുന്നുവെന്ന് ചൂണ്ടിക്കാട്ടി കേന്ദ്ര സര്ക്കാര് റദ്ദാക്കണമെന്ന് ആവശ്യപ്പെട്ട് നല്കിയ പട്ടികയിലെ 1398 അക്കൗണ്ടുകള് ബ്ലോക്ക് ചെയ്ത് ട്വിറ്റര്. കേന്ദ്ര നിര്ദേശം പാലിച്ചില്ലെങ്കില് മുതിര്ന്ന ഉദ്യോഗസ്ഥരെ അറസ്റ്റ് ചെയ്യുമെന്നും വന്തുക പിഴ ഈടാക്കുമെന്നും അടക്കമുള്ള നടപടിയിലേക്ക് കടക്കുമെന്ന മുന്നറിയിപ്പിനെ തുടര്ന്നാണ് ട്വിറ്ററിന്റെ നടപടി.
1435 അക്കൗണ്ടുകളുടെ പട്ടിക റദ്ദാക്കാനായി കേന്ദ്ര സര്ക്കാര് നല്കിയത്. ഖലിസ്ഥാന് ബന്ധം കണ്ടെത്തിയ 1178 ഹാന്ഡിലും ട്വിറ്റര് ബ്ലോക്ക് ചെയ്തിട്ടുണ്ട്. 1,200 ഓളം അക്കൗണ്ടുകളുടെ പട്ടിക നേരത്തെ കേന്ദ്ര സര്ക്കാര് നേരത്തെ ട്വിറ്ററിന് നല്കിയിരുന്നു. അഭിപ്രായ സ്വാതന്ത്ര്യത്തിന്റെ ഭാഗമായതിനാല് വിലക്കാനാകില്ലെന്നായിരുന്നു ഇതുവരെയും ട്വിറ്റര് നല്കിയ മറുപടി.
Discussion about this post