കോഴിക്കോട്: കോണ്ഫെഡറേഷന് ഓഫ് ഓള് ഇന്ത്യ ട്രഡേഴ്സ് ആഹ്വാനം ചെയ്ത വെള്ളിയാഴ്ചത്തെ ഭാരത് ബന്ദിനെ പിന്തുണയ്ക്കുന്നില്ലെന്ന് വ്യാപാരി വ്യവസായി ഏകോപന സമിതി. ഇന്ധന വിലവര്ധനവ്, പുതിയ ഇ-വേ ബില്, ജിഎസ്ടി എന്നിവയില് പ്രതിഷേധിച്ചാണ് ബന്ദിന് ആഹ്വാനം.
അതേസമയം 40000 വ്യാപാര സംഘടനകള് ബന്ദിന് പിന്തുണയര്പ്പിച്ചിട്ടുണ്ടെന്നാണ് കോണ്ഫെഡറേഷന് ഓഫ് ഓള് ഇന്ത്യ ട്രഡേഴ്സിന്റെ അവകാശവാദം.
എന്നാൽ കേരളത്തില് ബന്ദ് ശക്തമായേക്കില്ല. കേരള വ്യാപാരി വ്യവസായി ഏകോപന സമിതി ബന്ദില് പങ്കെടുക്കില്ലെന്ന് വ്യക്തമാക്കിയിട്ടുണ്ട്. കേരളത്തിലെ മറ്റു വ്യാപാര സംഘടനകള് നിലപാട് വ്യക്തമാക്കിയിട്ടില്ല.
ഓള് ഇന്ത്യ ട്രാന്സ്പോര്ട്ട് വെല്ഫയര് അസോസിയേഷനും (എ.ഐ.ടി.ഡബ്ല്യു.എ) ബന്ദിന് പിന്തുണയര്പ്പിച്ചിട്ടുണ്ട്. റോഡുകള് ഉപരോധിച്ചുള്ള സമരപരിപാടികളായിരിക്കും നടത്തുകയെന്ന് എ.ഐ.ടി.ഡബ്ല്യു.എ അറിയിച്ചു.
Discussion about this post