തൃശൂര്: ഭക്ഷ്യകിറ്റ് ഔദാര്യമല്ലെന്നും അതാര് നല്കിയാലും ഔദാര്യമാകില്ലെന്നും നടനും എംപിയും തൃശൂരിലെ ബിജെപി സ്ഥാനാര്ത്ഥിയുമായ സുരേഷ് ഗോപി. കിറ്റ് നല്കുന്നത് പ്രധാനമന്ത്രി നരേന്ദ്ര മോദിയായാലും മുഖ്യമന്ത്രി പിണറായി വിജയന് ആയാലും അത് ഒരിക്കലും ഔദാര്യമല്ലെന്നാണ് ഒരു ഓണ്ലൈന് മാധ്യമത്തിന് നല്കിയ അഭിമുഖത്തില് അദ്ദേഹം പറഞ്ഞത്.
ഭക്ഷ്യകിറ്റ് നല്കുക എന്നത് സര്ക്കാരുകളുടെ ഉത്തരവാദിത്തമാണെന്നും അതവര് ചെയ്തിട്ടുണ്ടെന്നും സുരേഷ് ഗോപി പറഞ്ഞു. എന്നാല് ‘ അത് സ്വന്തം തൊഴുത്തില് കൊണ്ടുപോയി കെട്ടിയിടരുതെ’ന്നും അങ്ങനെ ചെയ്യുന്നത് ‘ഭയങ്കര അല്പ്പത്തരമാണെ’നും അദ്ദേഹം പറഞ്ഞു.
Discussion about this post