കൊല്ക്കത്ത: ദളിതരെ അധിക്ഷേപിച്ച് തൃണമൂല് കോണ്ഗ്രസ് സ്ഥാനാര്ത്ഥി സുജാത മൊണ്ടാല്. ദളിത് ജനങ്ങള് ജന്മനാ യാചകരാണെന്നായിരുന്നു സ്ഥാനാര്ത്ഥിയുടെ ആക്ഷേപം. ഒരു ടെലിവിഷന് ചാനലിന് നല്കിയ അഭിമുഖത്തിലാണ് സുജാതക മൊണ്ടലിന്റെ വിവാദ പരാമര്ശം.
‘ഇവിടത്തെ പട്ടികജാതി വിഭാഗത്തില്പ്പെട്ടവര് ജന്മനാ ഭിക്ഷക്കാരാണ്. മമത ബാനര്ജി അവര്ക്ക് വേണ്ടതെല്ലാം ചെയ്തു കൊടുത്തിട്ടുണ്ട്. എന്നാല് അവര് ബിജെപി വാഗ്ദാനം ചെയ്യുന്ന ചെറിയ തുക കിട്ടാന് തങ്ങളുടെ വോട്ട് വില്ക്കുകയാണ്’- ഇതായിരുന്നു സുജാതയുടെ വിവാദ പരാമര്ശം.
അതേസമയം സുജാതയുടെ വിവാദ പരാമർശത്തിനെതിരെ ബിജെപി രംഗത്തെത്തി. മമതാ ബാനര്ജിയുടെ അടുത്ത ആളാണ് സുജാതയെന്നും ഇതിലും മികച്ച സ്ഥാനാര്ത്ഥികള് ദളിത് ജനത അര്ഹിക്കുന്നതായും ബിജെപി വീഡിയോ പങ്ക് വെച്ച് കുറിച്ചു.
Discussion about this post