തിരുവനന്തപുരം: സംസ്ഥാനത്ത് കൊവിഡിന്റെ നിയന്ത്രണങ്ങള് നിശ്ചയിച്ച് കൊണ്ടുള്ള ഉത്തരവ് ഇന്ന് പുറത്തിറങ്ങും. രാത്രി 9 മണിക്ക് ശേഷം ഏതൊക്കെ വ്യാപാര സ്ഥാപനങ്ങള് പ്രവര്ത്തിക്കാമെന്നത് ഉത്തരവില് പരാമര്ശിക്കും. പൊതു ചടങ്ങുകളുടെ സമയം രണ്ടു മണിക്കൂര് ആക്കി ചുരുക്കി. ഹോട്ടലുകളടക്കമുള്ള കടകള് രാത്രി 9 മണിക്ക് മുന്പ് അടക്കണം. ഹോട്ടലുകളില് അന്പത് ശതമാനം പേര്ക്ക് പ്രവേശനം പരിമിതപ്പെടുത്തും.
അതെ സമയം പൊതുചടങ്ങുകളിലെ പങ്കാളിത്തതിലെ നിയന്ത്രണങ്ങളിലും മറ്റു വ്യവസ്ഥകളിലും ഇളവുണ്ടായേക്കില്ല. തീരുമാനങ്ങള് അടിച്ചേല്പ്പിക്കുക എന്നതിന് പകരം ജനങ്ങളുടെ സഹകരണം കൂടി പ്രതീക്ഷിച്ചു കൊണ്ടാണ് ഇടവേളക്ക് ശേഷം വീണ്ടും നിയന്ത്രണങ്ങളിലേക്ക് സര്ക്കാര് കടക്കുന്നത്.
വാക്സിനേഷനുകള് കൂട്ടുന്നതിനും സര്ക്കാര് നടപടികള് വിപുലമാക്കും.
സംസ്ഥാനത്ത് കൊവിഡ് വ്യാപനം തീവ്രമാകുമ്ബോള് ഐസിയു കിടക്കകളും വെന്റിലേറ്ററുകളും മതിയാകുമോ എന്ന ആശങ്കയില് ആരോഗ്യവകുപ്പ്. തിരുവനന്തപുരം കോഴിക്കോട് ജില്ലകളിലാണ് തീവ്രപരിചരണ വിഭാഗത്തില് കൂടുതല് രോഗികള് ഉള്ളത്. തിരുവനന്തപുരത്ത് മരണനിരക്കും കുതിക്കുകയാണ്. ആശുപത്രികളിലെ സൗകര്യ കുറവ് കൂടി പരിഗണിച്ചാണ് അടിയന്തരമല്ലാത്ത കൊവിഡ് ഇതര രോഗികള് ആശുപത്രികളിലേക്ക് വരേണ്ടതില്ലെന്ന നിര്ദേശം സര്ക്കാര് നല്കിയത് .രോഗ വ്യാപനം കൂടിയ സാഹര്യത്തില് കൊവിഡ് രോഗികള്ക്ക് മാത്രമായി പഴയപോലെ ചില ആശുപത്രികള് പരിമിതപ്പെടുത്തുന്നതും സജീവ പരിഗണനയിലുണ്ട്.
Discussion about this post