ഡല്ഹി: പ്രശസ്ത സിത്താര്വാദകന് പണ്ഡിറ്റ് ദേബു ചൗധരി (85) കോവിഡ് ബാധിച്ച് മരിച്ചു. മകന് പ്രതീക് ചൗധരിയാണ് അച്ഛന്റെ മരണവിവരം ഫേസ്ബുക്കിലൂടെ അറിയിച്ചത്. രാജ്യം പത്മശ്രീയും പത്മഭൂഷണും നല്കി ആദരിച്ച സംഗീതജ്ഞനാണ് ദേബു ചൗധരി. സംഗീതനാടക അക്കാദമി അവാര്ഡും ലഭിച്ചിട്ടുണ്ട്.
ഏറെനാളായി മേധാക്ഷയത്തിന് വീട്ടില് ചികിത്സയിലായിരുന്നു. കോവിഡ് ബാധിച്ചതിനെ തുടര്ന്ന് കഴിഞ്ഞയാഴ്ച ഗുരു തേജ് ബഹാദൂര് ആശുപത്രിയില് പ്രവേശിപ്പിച്ചു. രാത്രി ഹൃദയാഘാതമുണ്ടായതോടെ വെന്റിലേറ്ററിലേയ്ക്ക് മാറ്റിയെങ്കിലും പുലര്ച്ചെ ഒരു മണിയോടെ അന്ത്യം സംഭവിക്കുകയായിരുന്നു.
പണ്ഡിറ്റ് രവിശങ്കര്, ഉസ്താദ് വിലായത്ത് ഞാന്, നിഖില് ബാനര്ജി എന്നിവര്ക്കൊപ്പം ഇന്ത്യയിലെ മുന്നിര സിത്താര്വാദകരില് ഒരാളാണ് ദേബു ചൗധരി. ടാന്സന്റെ പിന്മുറക്കാര് തുടക്കമിട്ട ജയ്പുര് സെനിയ ഘരാന പിന്തുടരുന്നയാളാണ്. മുഷ്താഖ് അലിയുടെ ശിഷ്യനാണ്.
നാലാം വയസിലാണ് സംഗീതപഠനം ആരംഭിച്ചത്. നിരവധി രാഗങ്ങള് ചിട്ടപ്പെടുത്തിയ ദേബു ചൗധരി ആറ് പുസ്തകങ്ങള് രചിച്ചിട്ടുമുണ്ട്.
Discussion about this post