തിരുവനന്തപുരം: വെള്ളിയാഴ്ചയോടെ അറബിക്കടലില് രൂപ്പെടുന്ന ന്യൂനമര്ദ്ദം ചുഴലിക്കാറ്റാകാനുള്ള സാദ്ധ്യതയുണ്ടെന്ന് കേന്ദ്ര കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്.
അറബിക്കടലില് പുതിയ ന്യൂനമര്ദ്ദം വെള്ളിയാഴ്ചയോടെയാണ് പ്രതീക്ഷിക്കുന്നത്. ഇത് ചുഴലിക്കാറ്റാകാനുള്ള സാദ്ധ്യതയേറെ ആണെന്നാണ് കാലാവസ്ഥാ വകുപ്പ് പറയുന്നത്. ചുഴലിക്കാറ്റായാല് മ്യാന്മര് നല്കിയ ടൗട്ടെ എന്ന പേരാകും ഉപയോഗിക്കുക.
തെക്കന് ജില്ലകളില് കഴിഞ്ഞ 24 മണിക്കൂറിനിടെ അതിശക്തമായ മഴയാണ് പെയ്ത്. തലസ്ഥാന നഗരത്തില് ഇന്നലെ രാത്രി പെയ്തത് 142 മില്ലീ മീറ്റര് മഴയാണ്. നഗരത്തിലെയും ജില്ലയിലെയും താഴ്ന്ന പ്രദേശങ്ങള് വെള്ളത്തിനടിയിലായി. വരുന്ന നാലു ദിവസം കൂടി ഇത്തരത്തില് സംസ്ഥാനത്ത് മഴ തുടരുമെന്നാണ് പ്രവചനം.
14 മുതല് കേരളത്തിലും മഴകനക്കും. ആഴക്കടലില് മീന് പിടിക്കാന് പോയവര് വെള്ളിയാഴ്ചയോടെ സുരക്ഷിത സ്ഥാനത്തെത്താന് നിര്ദേശമുണ്ട്. കേരള തീരത്ത് മത്സ്യബന്ധനത്തിന് വിലക്കുണ്ട്. തീരപ്രദേശങ്ങളില് താമസിക്കുന്നവര്ക്ക് ദുരന്തനിവാരവകുപ്പ് ജാഗ്രത നിര്ദ്ദേശം നല്കി. തീരമേഖലകളില് കടല് പ്രക്ഷുബ്ധമാണ്.
Discussion about this post