ഗാസ സിറ്റി: ഗാസയില് ഇസ്രയേലിന്റെ തിരിച്ചടി തുടരുന്നു. അല്-ജസീറ, അമേരിക്കന് ന്യൂസ് ഏജന്സിയായ അസോസിയേറ്റഡ് പ്രസ്സ് എന്നിവയടക്കം നിരവധി മാധ്യമ ഓഫീസുകള് പ്രവര്ത്തിക്കുന്ന ഗാസയിലെ ‘ജല ടവര്” ഇസ്രയേല് ബോംബിട്ട് തകര്ത്തതായി അല് ജസീറ റിപ്പോര്ട്ട് ചെയ്തു.
ബോംബ് സ്ഫോടനത്തില് 13 നില കെട്ടിടം പൂര്ണമായും തകര്ന്നതായി റിപ്പോര്ട്ടില് പറയുന്നു. വ്യോമാക്രമണത്തിലൂടെയാണ് കെട്ടിടം തകര്ത്തതെന്ന് അല് ജസീറ റിപ്പോര്ട്ട് ചെയ്തു.
ആക്രമണത്തില് ആളപായം ഉണ്ടായിട്ടുണ്ടോ എന്ന കാര്യം വ്യക്തമല്ല. ആക്രമണത്തിന് ഒരു മണിക്കൂര് മുമ്പായി ഇസ്രയേല് സേനയുടെ മുന്നറിയിപ്പ് ലഭിച്ചിരുന്നതിനാല് ജീവനക്കാരെ ഒഴിപ്പിച്ചിരുന്നു.
ഒരാഴ്ചയായി നടക്കുന്ന പലസ്തീന്-ഇസ്രയേല് വ്യോമാക്രമണങ്ങളില് ഇതുവരെ 150 ഓളം പേര് കൊല്ലപ്പെട്ടതായാണ് റിപ്പോര്ട്ട്.
Discussion about this post