സിപിഎം പ്രവര്ത്തകര് കൊല്ലുമെന്ന് ഭീഷണിപ്പെടുത്തിയെന്ന് രമ്യ ഹരിദാസ് എംപി. സിപിഎം പ്രവര്ത്തകരായ രണ്ട് പേര്ക്കെതിരെ രമ്യ ഹരിദാസ് പൊലീസിന് പരാതി നല്കി. ഉച്ചയ്ക്ക് മൂന്ന് മണിയോടെയാണ് സംഭവം. ആലത്തൂര് പഞ്ചായത്ത് മുന് പ്രസിഡന്റ് നാസര്, നജീബ് കണ്ടാലറിയാവുന്ന ഏഴ് പേര്ക്കും എതിരെയാണ് പരാതി. ഞായറാഴ്ച ഉച്ചക്ക് ശേഷം ആലത്തൂര് പോലീസ് സ്റ്റേഷന് സമീപത്ത് വെച്ചായിരുന്നു സംഭവം.
തൊഴിലുറപ്പ് തൊഴിലാളികളുമായി സംസാരിക്കുന്നതിനിടെ സി.പി.എം പ്രവര്ത്തകര് ഭീഷണിപ്പെടുത്തിയെന്നാണ് ആരോപണം. ആലത്തൂരില് കാലു കുത്തിയാല് കാലു വെട്ടുമെന്ന് ഭീഷണിപ്പെടുത്തിയെന്ന് രമ്യ ഹരിദാസ് പറയുന്നു.
മണ്ഡലത്തിലൂടെ സഞ്ചരിക്കുകയായിരുന്ന രമ്യ ഹരിദാസ് എംപി പോലീസ് സ്റ്റേഷന് സമീപം ഹരിതകര്മ സേന പ്രവര്ത്തകരുമായി സംസാരിക്കുകയായിരുന്നു. ഈ സമയം ചില സിപിഎം പ്രവര്ത്തകര് തടയാനെത്തി എന്നാണ് രമ്യ ഹരിദാസ് ആരോപിക്കുന്നത്. ഒപ്പം മോശമായ വാക്കുകള് ഉപയോഗിച്ചെന്നും ഭീഷണിപ്പെടുത്തിയെന്നും എംപി ആരോപിച്ചു.
കൊവിഡ് പ്രതിരോധ പ്രവര്ത്തനം തടസപ്പെടുത്തുകയാണ്. തെരഞ്ഞെടുപ്പിന്റെ സമയത്ത് ആലത്തൂരില് വെച്ച് കല്ലെറിഞ്ഞു. ഇപ്പോള് രണ്ട് തവണയായി ഭീഷണിയുമായി വരുന്നുവെന്നും എംപി പരാതിപ്പെട്ടു.
Discussion about this post