തിരുവനന്തപുരം; കേരള തീരത്ത് ഇന്ന് രാത്രി 11.30 വരെ 2.6 മുതല് 3.6 മീറ്റര് വരെ ഉയരത്തില് തിരമാലയ്ക്കും കടലാക്രമണത്തിനും സാധ്യതയുണ്ടെന്നു ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചിട്ടുള്ളതിനാല് മത്സ്യത്തൊഴിലാളികളും തീരദേശ വാസികളും ജാഗ്രത പാലിക്കണമെന്നു ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു. പൊഴിയുര് മുതല് കാസര്ഗോഡ് വരെയാണ് തിരമാല സാധ്യത പറയുന്നത്. ജൂണ് 18 വരെ കേരള തീരത്തുനിന്നു മത്സ്യത്തൊഴിലാളികള് കടലില് പോകാന് പാടില്ലെന്നും അറിയിപ്പില് പറയുന്നു.
കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില്നിന്ന് അധികൃതരുടെ നിര്ദേശാനുസരണം മാറി താമസിക്കണം. മത്സ്യബന്ധന യാനങ്ങള് ഹാര്ബറില് സുരക്ഷിതമായി കെട്ടിയിട്ടു സൂക്ഷിക്കണം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കണമെന്നും കളക്ടര് അറിയിച്ചു.
Discussion about this post