തിരുവനന്തപുരം: സംസ്ഥാനത്തിന് കൂടുതല് വാക്സിന് അനുവദിക്കണമെന്നാവശ്യപ്പെട്ട് മുഖ്യമന്ത്രി പിണറായി വിജയന്. ജൂലൈ, ഓഗസ്റ്റ് മാസങ്ങളില് 60 ലക്ഷം ഡോസ് വാക്സിന് വേണമെന്നും മുഖ്യമന്ത്രി കേന്ദ്ര സര്ക്കാരിനോട് ആവശ്യപ്പെട്ടു. പ്രധാനമന്ത്രി വിളിച്ചു ചേര്ത്ത കൊവിഡ് അവലോകന യോഗത്തിലാണ് മുഖ്യമന്ത്രി ഇക്കാര്യം ആവശ്യപ്പെട്ടത്.
വാക്സിനുമായി ബന്ധപ്പെട്ട് ജൂലൈ 11നു തന്നെ പ്രധാനമന്ത്രിയ്ക്ക് കത്തയച്ചിരുന്നുവെന്ന് മുഖ്യമന്ത്രി പറഞ്ഞു. പ്രതിരോധ പ്രവര്ത്തനങ്ങള് കൂടുതല് കാര്യക്ഷമമായി നടപ്പിലാക്കാനാവശ്യമായ പിന്തുണ കേന്ദ്ര സര്ക്കാരില് നിന്നുണ്ടാകണമെന്നും അദ്ദേഹം ആവശ്യപ്പെട്ടു.
കൊവിഡ് രണ്ടാം തരംഗം നേരിടുന്നതിന് കേരളം നടത്തിയ പ്രവര്ത്തനങ്ങള് മുഖ്യമന്ത്രി പ്രധാനമന്ത്രി നരേന്ദ്രമോദിയെ ധരിപ്പിച്ചു.
Discussion about this post