തൃശ്ശൂര്: സിപിഎം നേതാക്കള് പ്രതികളായ കരുവന്നൂര് സഹകരണ ബാങ്ക് വായ്പാ തട്ടിപ്പ് കേസില് സിബിഐ അന്വേഷണം ആവശ്യപ്പെട്ട് ഹൈക്കോടതിയില് ഹര്ജി. തൃശ്ശൂര് പുറത്തിശ്ശേരി സ്വദേശി എംവി സുരേഷ് ആണ് ഹൈക്കോടതിയില് ഹര്ജി നല്കിയത്.
സിപിഎം നേതാക്കള് പ്രതികളായ കേസ് രാഷ്ട്രീയ സമ്മര്ദ്ദം മൂലം അട്ടിമറിക്കപ്പെടാന് സാധ്യതയുണ്ടെന്ന് ഹര്ജിയിൽ ചൂണ്ടിക്കാട്ടി.
ബാങ്കില് നിന്ന് തട്ടിയെടുത്ത പണം രാജ്യ വിരുദ്ധ പ്രവര്ത്തനങ്ങള്ക്ക് ഉപയോഗിക്കാനുള്ള സാധ്യത തള്ളിക്കളയാനാകില്ല. വലിയ സാമ്പത്തിക തിരിമറി ആയതിനാല് സിബിഐയോ ഇഡിയോ കേസ് അന്വേഷിക്കണം. കോടതിയുടെ മേല്നോട്ടത്തില് കേന്ദ്രഏജന്സികള് അന്വേഷിക്കണമെന്നും ഹര്ജിയില് പറയുന്നു.
കരുവന്നൂര് ബാങ്ക് തട്ടിപ്പിനെ തുടര്ന്ന് ഭരണസമിതി പിരിച്ചുവിട്ട ശേഷം നിയമിച്ച അഡ്മിനിസ്ട്രേറ്റര് എംസി അജിതിനെ മാറ്റി. മൂന്നംഗ അഡ്മിനിസ്ട്രേറ്റീവ് സമിതിയ്ക്കാണ് പകരം ചുമതല.
സഹകരണ വകുപ്പിലെ അസിസ്റ്റ് ഡയറക്ടര് ടി കെ രവീന്ദ്രന്, സീനിയര് ഇന്സ്പെക്ടര്മാരായ കെ കെ പ്രമോദ്, എം എം വിനോദ് എന്നിവരാണ് സമിതിയില്.
Discussion about this post