തിരുവനന്തപുരം: കോവിഡ് വാക്സിനേഷന് സംബന്ധിച്ച് ആരോഗ്യ വകുപ്പ് പ്രതിനിധിയുടേതെന്ന പേരില് വാട്സ് ആപ്പില് പ്രചരിക്കുന്ന സന്ദേശം വ്യാജമാണെന്ന് മുന്നറിയിപ്പ് നല്കി കേരളാ പോലീസ്. ഇക്കാര്യം ആരോഗ്യവകുപ്പ് സ്ഥിരീകരിച്ചതായി കേരളാ പോലീസ് അറിയിച്ചു.
ആരോഗ്യവകുപ്പ് സ്പെഷ്യല് ഡയറക്ടര് ഗംഗാദത്തന് എന്ന് പരിചയപ്പെടുത്തുന്ന ആളുടേതാണ് ശബ്ദ സന്ദേശം. എല്ലാ ആശാവര്ക്കര്മാരും ഹെല്ത്ത് ഇന്സ്പെക്ടര്മാരും എല്ലാ ഗ്രൂപ്പുകളിലേക്കും അടിയന്തരമായി ഷെയര് ചെയ്യണം എന്ന് പറഞ്ഞുകൊണ്ടാണ് ശബ്ദ സന്ദേശം തുടങ്ങുന്നത്.
ആരോഗ്യവകുപ്പില് ഇത്തരത്തില് ഒരു തസ്തിക ഇല്ലെന്നു മാത്രമല്ല ഇതില് പറയുന്നത് തികച്ചും തെറ്റാണെന്ന് പോലീസ് പറയുന്നു. ഈ ശബ്ദസന്ദേശത്തിനു പിന്നില് ആരെന്ന് അന്വേഷിച്ച് കണ്ടുപിടിക്കാന് ആരോഗ്യ വകുപ്പ് സൈബര് സെല്ലിന് പരാതി നല്കിയിട്ടുണ്ടെന്നും പകര്ച്ചവ്യാധി സമയത്ത് വ്യാജ വാര്ത്ത പ്രചരിപ്പിക്കുന്നത് കുറ്റകരമാണെന്നും പോലീസ് വ്യക്തമാക്കി.
Discussion about this post