നടി ശരണ്യ അന്തരിച്ചു. തിരുവനന്തപുരത്തെ സ്വകാര്യ ആശുപത്രിയിലായിരുന്നു. അർബുധ രോഗത്തെ തുടർന്ന് ഏറെ നാളുകളായി ചികിത്സയിലായിരുന്നു. ഉച്ചയ്ക്ക് ഒരു മണിയോടെ തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. അര്ബുദ ബാധയെത്തുടര്ന്ന് 11 തവണ സര്ജറിക്ക് വിധേയയായിരുന്നു.
തുടര് ചികില്സയ്ക്കു തയാറെടുക്കുന്നതിനിടെ ശരണ്യയ്ക്കും അമ്മയും കോവിഡ് ബാധിച്ചു. ഇതോടെ ആരോഗ്യസ്ഥിതി കൂടുതല് മോശമായി.
മേയ് 23നാണ് ശരണ്യയെ കോവിഡ് ബാധിച്ച നിലയില് ആശുപത്രിയില് പ്രവേശിപ്പിച്ചത്. ഗുരുതരമായതിനു പിന്നാലെ വെന്റിലേറ്റര് ഐസിയുവിലേക്കു മാറ്റി.
ജൂണ് 10ന് നെഗറ്റീവ് ആയതിനെത്തുടര്ന്ന് മുറിയിലേക്കു മാറ്റിയെങ്കിലും അന്നു രാത്രി തന്നെ പനികൂടി വെന്റിലേറ്റര് ഐസിയുവിലേക്കു മാറ്റിയിരുന്നു. സ്ഥിതി പിന്നീടു വഷളാവുകയായിരുന്നു.
നിരവധിത്തവണ ട്യൂമറിനെ തോല്പ്പിച്ച ശരണ്യയുടെ ജീവിതം മറ്റുള്ളവര്ക്കൊരു മാതൃകയാണ്. സിനിമ – സീരിയല് അഭിനയത്തിലൂടെയാണ് ശരണ്യ പ്രശസ്തയാകുന്നത്. 2012ലാണ് ബ്രെയിന് ട്യൂമര് ആദ്യം തിരിച്ചറിയുന്നത്. നിരവധിത്തവണ ശസ്ത്രക്രിയയ്ക്കു വിധേയയായ അവര് ആത്മവിശ്വാസം ഒന്നുകൊണ്ടുമാത്രമാണ് ജീവിതത്തിലേക്കു തിരികെവന്നിരുന്നത്.
രോഗത്തെ പല തവണ കീഴ്പ്പെടുത്തിയ ഈ പെണ്കുട്ടി തന്റെ ആത്മവിശ്വാസവും ചിരിക്കുന്ന ഹൃദയവും കൊണ്ടാണ് ഇതുവരെയും ജീവിതത്തില് പിടിച്ചുനിന്നത്. കരിയറില് തിളങ്ങിനില്ക്കവെയാണ് ട്യൂമര് ശരണ്യയെ തോല്പ്പിച്ചത്.
നിരവധി സീരിയലുകളിലും സിനിമകളിലും അഭിനയിച്ചു. രോഗബാധിതയായതിന് ശേഷം അഭിനയ രംഗത്തു നിന്ന് മാറി നിൽക്കുകയായിരുന്നു. എങ്കിലും സോഷ്യൽമീഡിയയിൽ സജീവമായിരുന്നു ശരണ്യ.
Discussion about this post