തിരുവനന്തപുരം: ടോക്കിയോ ഒളിമ്പിക്സ് ഹോക്കിയില് വെങ്കല മെഡല് നേടിയ ഇന്ത്യന് പുരുഷ ഹോക്കി ടീമിലെ മലയാളി ഗോള്കീപ്പര് പി.ആര്. ശ്രീജേഷിന് പാരിതോഷികം പ്രഖ്യാപിച്ച് സംസ്ഥാന സര്ക്കാര്. രണ്ടു കോടി രൂപയാണ് സംസ്ഥാന സര്ക്കാര് ശ്രീജേഷിന് പാരിതോഷികം പ്രഖ്യാപിച്ചത്. മന്ത്രിസഭാ യോഗത്തിനുശേഷം കായിക മന്ത്രി വി അബ്ദുള് റഹിമാനാണ് വാര്ത്താസമ്മേളനത്തില് ശ്രീജേഷിന് പാരിതോഷികം പ്രഖ്യാപിച്ചത്.
മാത്രമല്ല ശ്രീജേഷിന് വിദ്യാഭ്യാസവകുപ്പില് ഡെപ്യൂട്ടി ഡയറക്ടര് സ്ഥാനത്ത് നിന്നും ജോയന്റ് ഡയറക്ടറായി സ്ഥാനക്കയറ്റം നല്കാനും മന്ത്രിസഭാ യോഗത്തില് തീരുമാനമായി. ഒളിമ്പിക്സില് പങ്കെടുത്ത മുഴുവന് മലയാളികള്ക്കും പ്രോത്സാഹനമായി അഞ്ച് ലക്ഷം രൂപയും നല്കാനും സര്ക്കാര് തീരുമാനമായി.
Discussion about this post