കല്പറ്റ: തിങ്കളാഴ്ച രാഹുല്ഗാന്ധി എം.പി വയനാട്ടിലെത്തും. വിവിധ പരിപാടികളില് പങ്കെടുക്കും. ഉച്ചയോടെ ജില്ലയിലെത്തുന്ന അദ്ദേഹം 1.45-ന് മാനന്തവാടിയില് മഹാത്മാഗാന്ധിയുടെ പ്രതിമ അനാച്ഛാദനം ചെയ്യും.
ഉച്ചക്കു ശേഷം മൂന്നിന് പടിഞ്ഞാറത്തറ ഗ്രാമപഞ്ചായത്തിലെ കൂവളത്തോട് കുടിവെള്ള പദ്ധതിയും വൈകീട്ട് അഞ്ചിന് പൊന്കുഴി കാട്ടുനായ്ക്ക കോളനിയിലെ കുടിവെള്ള പദ്ധതിയും ഉദ്ഘാടനം ചെയ്യും. വൈകീട്ട് ആറിന് നൂല്പ്പുഴ കുടുംബാരോഗ്യകേന്ദ്രത്തിലെ ഡെന്റല് യൂണിറ്റിന്റെ ഉദ്ഘാടനവും ഫിസിയോ തെറപ്പി ഉപകരണങ്ങളുടെ കൈമാറ്റവും നിര്വഹിക്കും.
ചൊവ്വാഴ്ച രാവിലെ 11.45ന് കാരശ്ശേരി ബാങ്ക് ഓഡിറ്റോറിയത്തില് പഞ്ചായത്തിലെ കാര്ഷികദിനാചരണവും കര്ഷകരെ ആദരിക്കുന്ന ചടങ്ങിലും പങ്കെടുക്കും. തുടര്ന്ന് മലപ്പുറം വണ്ടൂര് സ്നേഹാരാം ഗാന്ധിഭവന് സന്ദര്ശിക്കും. 2.45-ഓടെ, നിര്യാതനായ മുന് ഡി.സി.സി പ്രസിഡന്റ് വി.വി. പ്രകാശിന്റെ വീട് സന്ദര്ശിക്കും.
വൈകീട്ട് നാലിന് എടവണ്ണ പി.എസ്. ഓഡിറ്റോറിയത്തില് പ്ലസ് ടുവിന് മികച്ച വിജയം നേടിയ വിദ്യാര്ഥികള്ക്കുള്ള അനുമോദന ചടങ്ങില് പങ്കെടുക്കും. അഞ്ചിന് മലപ്പുറം പാലോത്ത് ഊര്ക്കാട്ടിരി ഗ്രാമപഞ്ചായത്ത് വൈസ് പ്രസിഡന്റായിരുന്ന നിര്യാതനായ ജ്യോതിഷ്കുമാറിന്റെ വീട് സന്ദര്ശിക്കും.
Discussion about this post