നിപ വൈറസ് ബാധ റിപ്പോര്ട്ട് ചെയ്ത സാഹചര്യത്തില് കേരളത്തിന് നാലിന നിര്ദേശം നൽകി കേന്ദ്ര സര്ക്കാര്. നിപ ബാധിച്ച് മരിച്ച കുട്ടിയുടെ ബന്ധുക്കളെ ഉടന് പരിശോധിക്കണമന്ന് നിര്ദേശത്തില് പറയുന്നു.
കഴിഞ്ഞ 12 ദിവസത്തെ സമ്പര്ക്ക പട്ടിക തയാറാക്കാനും കേന്ദ്രം കേരളത്തിന് നിര്ദേശം നല്കി. ക്വാറന്റൈനും ഐസൊലേഷനും പരമാവധി വേഗത്തില് ഒരുക്കണം, സ്രവങ്ങള് എത്രയും വേഗം പരിശോധന നടത്തണം എന്നിവയാണ് മറ്റ് നിര്ദേശങ്ങള്.
സംസ്ഥാനത്ത് നിപ മരണം റിപ്പോര്ട്ട് ചെയ്തിനെത്തുടര്ന്ന് കേന്ദ്രസംഘം ഉടന് കേരളത്തിലെത്തുമെന്ന് അറിയിച്ചിട്ടുണ്ട്. കോഴിക്കോട്ടെ സാഹചര്യം വിലയിരുത്താനാണ് കേന്ദ്രസംഘം കേരളത്തിലെത്തുന്നത്. സെന്റര് ഫോര് ഡിസീസ് കണ്ട്രോള് സംഘമാണ് സംസ്ഥാനത്തെത്തുക. കേരളത്തിന് എല്ലാ വിധ സഹായവും നല്കുമെന്ന് കേന്ദ്ര ആരോഗ്യ മന്ത്രാലയം അറിയിച്ചിട്ടുണ്ട്.
അതേസമയം, രോഗം ബാധിച്ച് മരിച്ച് കുട്ടിയുമായി സമ്പര്ക്കമുള്ള നാല് പേര്ക്ക് രോഗലക്ഷണങ്ങളില്ലെന്ന റിപ്പോര്ട്ട് പുറത്തുവന്നു. സമ്പര്ക്ക പട്ടികയിലുള്ള ബാക്കി 17 പേരെ പരിശോധനക്ക് വിധേയമാക്കും. ഏകോപനത്തിനായി 24 മണിക്കൂറും പ്രവര്ത്തിക്കുന്ന കണ്ട്രോള് റൂം തുറക്കുമെന്നും സംസ്ഥാന ആരോഗ്യവകുപ്പ് വ്യക്തമാക്കി.
Discussion about this post