പത്തനംതിട്ട: കോന്നിയില് അയല്വാസിയുടെ പീഡനത്തിന് ഇരയായ പെണ്കുട്ടിയെ മരിച്ച നിലയില് കണ്ടെത്തി. ഇന്ന് രാവിലെ വീടിനുള്ളില് തൂങ്ങി മരിച്ച നിലയിലാണ് മൃതദേഹം കണ്ടത്. പത്തനംതിട്ട പ്രമാടം കൈതക്കര സ്വദേശിയായ 16 കാരിയാണ് മരിച്ചത്. കഴിഞ്ഞ ജൂലൈ മാസത്തിലാണ് പെണ്കുട്ടിയെ അയല്വാസി പീഡിപ്പിച്ചത്. കേസില് പ്രതി ജയിലില് കഴിയുകയാണ്.
പെണ്കുട്ടിയെ പീഡിപ്പിച്ച 31കാരനും സമീപവാസിയുമായ വിഷ്ണുവിനെ ജൂലൈയിലാണ് പൊലീസ് അറസ്റ്റ് ചെയ്തത്. ഇതേത്തുടര്ന്ന് പെണ്കുട്ടി കടുത്ത മാനസിക സംഘര്ഷത്തിലായിരുന്നുവെന്നാണ് വിവരം.
പെണ്കുട്ടിയും അച്ഛനും മുത്തശ്ശിയും മാത്രമാണ് വീട്ടില് താമസം. റബ്ബര് ടാപ്പിങ് തൊഴിലാളിയായ പിതാവ് രാവിലെ ജോലിക്ക് പോയ സമയത്തായിരുന്നു പെണ്കുട്ടി ആത്മഹത്യ ചെയ്തത് എന്നാണ് വിവരം. വ്യാഴാഴ്ച പുലര്ച്ചയോടെയാണ് സംഭവം നടന്നത്.
കോന്നി പോലീസ് സ്ഥലത്തെത്തി, ഇന്ക്വസ്റ്റ് നടപടികള് പൂര്ത്തിയാക്കി.
Discussion about this post