പൊതു ഇടങ്ങള് കയ്യേറി കൊടിമരങ്ങള് സ്ഥാപിക്കുന്നതിനെതിരെ ഹൈക്കോടതി. അനധികൃതമായി കൊടിമരങ്ങള് സ്ഥാപിക്കുന്നത് തടയണമെന്നും ഇത്തരത്തില് കൊടിമരങ്ങള് സ്ഥാപിക്കുന്നത് ഭൂസംരക്ഷണ നിയമത്തിന് വിരുദ്ധമാണെന്നും ഹൈക്കോടതി ജസ്റ്റിസ് ദേവന് രാമചന്ദ്രന് ചൂണ്ടിക്കാട്ടി.
മന്നം ഷുഗര്മില്ലിന്റെ കവാടത്തില് സ്ഥാപിച്ച കൊടിമരങ്ങള് നീക്കം ചെയ്യണമെന്ന ഹര്ജിയിലാണ് ഹൈക്കോടതി ഇടപെടല്.
കേരളത്തിന്റെ മുക്കിലും മൂലയിലും പൊതു ഇടങ്ങളില് കൊടിമരങ്ങളുണ്ട്. ഇത്തരം കൊടിമരങ്ങള് പലപ്പോഴും ക്രമസമാധാന പ്രശ്നങ്ങളുണ്ടാക്കുന്നു. റോഡരികിലും പൊതു ഇടങ്ങളിലും കൊടിമരങ്ങള് സ്ഥാപിക്കുന്നത് എന്ത് അടിസ്ഥാനത്തിലാണെന്നും കോടതി ചോദിച്ചു.
കേസില് തദ്ദേശ സ്വയംഭരണ വകുപ്പ് സെക്രട്ടറിയെ കോടതി കക്ഷി ചേര്ത്തിട്ടുണ്ട്. നവംബര് ഒന്നിന് സര്ക്കാര് നിലപാട് അറിയിക്കണമെന്ന് കോടതി ആവശ്യപ്പെട്ടു.
Discussion about this post