അഞ്ചൽ ഉത്രവധക്കേസിൽ പ്രതി സൂരജിന് ഇരട്ട ജീവപര്യന്തം തടവ് ശിക്ഷ വിധിച്ച് കോടതി. അപൂര്വങ്ങളില് അപൂര്വമായ കേസാണിതെന്നും കോടതി നിരീക്ഷിച്ചു. അഞ്ചു ലക്ഷം രൂപ പിഴയും കോടതി വിധിച്ചു. കൊല്ലം ജില്ലാ അഡീഷണൽ സെഷൻസ് കോടതിയാണ് വിധി പറഞ്ഞത്.
സൂരജിന് മേല് പ്രോസിക്യൂഷന് ആരോപിച്ച ഗൂഢാലോചനയോടെയുള്ള കൊലപാതകം (ഐ.പി.സി 302), നരഹത്യാശ്രമം (307), കഠിനമായ ദേഹോപദ്രവം (326), വനം വന്യജീവി ആക്ട് (115) എന്നിവ തെളിഞ്ഞതായി കോടതി വ്യക്തമാക്കി. ജീവനുള്ള വസ്തു കൊലപാതകത്തിന് ഉപയോഗിച്ചെന്ന അപൂര്വതയുമുണ്ട്. നാല് കേസുകളിലും പ്രതി ജീവപര്യന്തം തടവ് അനുഭവിക്കണം. അപൂര്വ്വങ്ങളില് അപൂര്വ്വമായ കേസെന്നായിരുന്നു കോടതിയുടെ നിരീക്ഷണം. അഞ്ച് ലക്ഷം രൂപ പിഴയും വിധിച്ചു. കൊല, കൊലപാതകം, തെളിവ് നശിപ്പിക്കല് കുറ്റങ്ങള് സൂരജ് ചെയ്തിട്ടുണ്ടെന്നും കോടതി. കൊല്ലം ആറാം അഡീഷണല് സെഷന്സ് കോടതി ജഡ്ജി എം.മനോജാണ് ശിക്ഷാവിധി പ്രസ്താവിച്ചത്. പ്രതിയുടെ പ്രായം പരിഗണിച്ചും മുന് ക്രിമിനല് പശ്ചാത്തലം ഇല്ലാത്തതിനാലും സുപ്രീം കോടതി നിഷ്കര്ഷിക്കുന്ന നിയമ പ്രകാരം സൂരജിന് നാല് കേസുകളിലും ജീവപര്യന്തം തടവും, അഞ്ച് ലക്ഷം രൂപ പിഴയും വിധിക്കുകയായിരുന്നു.
ആദ്യം പത്ത് വര്ഷവും പിന്നീട് ഏഴ് വര്ഷവും തടവിന് ശേഷമാണ് പ്രതി ഇരട്ടജീപര്യന്തം തടവ് അനുഭവിക്കേണ്ടതെന്ന് കോടതി എടുത്ത് പറഞ്ഞിട്ടുണ്ട്. അഞ്ചു ലക്ഷം രൂപ പിഴയും നല്കണമെന്നാണ് വിധി.
മൂര്ഖന് പാമ്പിനെ കൊണ്ട് കടിപ്പിച്ച് ഉത്രയെ ക്രൂരമായി കൊലപ്പെടുത്തിയ അത്യപൂര്വമായ കേസില് ഭര്ത്താവ് അടൂര് പറക്കോട് ശ്രീസൂര്യയില് സൂരജിന്റെ(27)പേരില് ആസൂത്രിത കൊല (ഇന്ത്യന് ശിക്ഷാനിയമം 302-ാം വകുപ്പ്), നരഹത്യാശ്രമം (307ാം വകുപ്പ്), വിഷം നല്കി പരിക്കേല്പ്പിക്കല് (328ാം വകുപ്പ്), തെളിവുനശിപ്പിക്കല് (201ാം വകുപ്പ്) എന്നീ കുറ്റകൃത്യങ്ങള് തെളിഞ്ഞതായി കോടതി തിങ്കളാഴ്ച കണ്ടെത്തിയിരുന്നു.
അറസ്റ്റിലായി 90 ദിവസം തികയും മുന്പ്, കഴിഞ്ഞവര്ഷം ആഗസ്റ്റ് 14ന് കുറ്റപത്രം സമര്പ്പിച്ചതിനാല് സൂരജിന് ജയിലില് നിന്ന് ഇറങ്ങാനായില്ല. പ്രോസിക്യൂഷന് 87 സാക്ഷികളെ വിസ്തരിച്ചു. 288 രേഖകളും 40 തൊണ്ടിമുതലുകളും ഹാജരാക്കി. ഡമ്മി പരീക്ഷണത്തിലൂടെ കണ്ടെത്തിയ തെളിവുകളും നിര്ണായകമായി.
ഏറ്റവും കൂടിയ ശിക്ഷ നല്കണമെന്നായിരുന്നു പ്രോസിക്യൂഷൻ ആവശ്യപ്പെട്ടത്. അപൂര്വങ്ങളില് അപൂര്വമായ കേസാണ് ഇതെന്നും പ്രോസിക്യൂഷന് വാദിച്ചു. വധശിക്ഷയ്ക്ക് സുപ്രീംകോടതി നിശ്ചയിച്ചിട്ടുളള അഞ്ച് കുറ്റങ്ങളില് നാലും പ്രതിയായ സൂരജ് ചെയ്തെന്ന് പ്രോസിക്യൂഷന് കോടതിയില് ചൂണ്ടിക്കാട്ടിയിരുന്നു.
2020 മേയ് ഏഴിനാണ് അഞ്ചല് ഏറം വെള്ളശ്ശേരില്വീട്ടില് ഉത്രയെ (25) സ്വന്തംവീട്ടില് മരിച്ചനിലയില് കണ്ടെത്തിയത്. ഭര്ത്താവ് അടൂര് പറക്കോട് സ്വദേശി സൂരജ് (27) ഭിന്നശേഷിക്കാരിയായ ഭാര്യയെ ഒഴിവാക്കാനും അവരുടെ സ്വത്ത് കൈക്കലാക്കാനും വേണ്ടി പാമ്പിനെക്കൊണ്ട് കടിപ്പിച്ചു കൊലപ്പെടുത്തിയെന്നാണ് പ്രോസിക്യൂഷന് കേസ്. സംസ്ഥാനത്ത് പാമ്പിനെക്കൊണ്ട് കടിപ്പിച്ച് ഒരാളെ കൊലപ്പെടുത്തുന്ന ആദ്യകേസാണിത്.
Discussion about this post