ഡല്ഹി: രാജ്യത്ത് ജനന സര്ട്ടിഫിക്കറ്റ് പൗരത്വ രേഖയാക്കാന് നീക്കവുമായി കേന്ദ്ര സര്ക്കാർ. ഇതിനുള്ള നിര്ദേശം പ്രധാനമന്ത്രി നരേന്ദ്ര മോദിയുടെ അറുപതിന കര്മ പരിപാടിയില് ഉള്പ്പെടുത്തിയതായാണ് വിവരം.
രാജ്യത്ത് പൗരത്വത്തിന് ജനന സര്ട്ടിഫിക്കറ്റ് ഉള്പ്പെടുത്താനാണ് നീക്കം. കഴിഞ്ഞ മാസം പ്രധാനമന്ത്രിയുടെ അധ്യക്ഷയില് വിവിധ മന്ത്രാലയങ്ങളിലെ പ്രതിനിധികളുടെ യോഗം ചേര്ന്നിരുന്നു. ഈ യോഗത്തിലാണ് പ്രധാനമന്ത്രി നിര്ദേശം മുന്നോട്ടുവച്ചത്.
വിഷയത്തില് പഠനം നടത്തി ഒരുമാസത്തിനകം റിപ്പോര്ട്ട് സമര്പ്പിക്കാന് പ്രധാനമന്ത്രി വിവിധ മന്ത്രാലയ സെക്രട്ടറിമാര്ക്ക് നിര്ദേശം നല്കി. ഈ റിപ്പോര്ട്ട് അനുസരിച്ചായിരിക്കും ജനന സര്ട്ടിഫിക്കറ്റ് പൗരത്വ രേഖയായി കണക്കാകുമോ എന്ന കാരൃത്തില് തീരുമാനമുണ്ടാകുക.
സിവില് സര്വീസ് പരിഷ്കരണം, ബിസിനസ് അന്തരീക്ഷം വികസിപ്പിക്കല്, വിവരസാങ്കേതിക വിദ്യയെ ഭരണത്തിനായി ഉപയോഗപ്പെടുത്തല് എന്നിവയും നിര്ദേശത്തിലുണ്ട്. രാജ്യത്തിന്റെ സാമ്പത്തിക സ്ഥിതി ഉത്തേജിപ്പിക്കുന്ന പദ്ധതികള്ക്കാണ് 60 ഇന പരിപാടിയില് പ്രധാനമായും ഊന്നല് കൊടുക്കുന്നത്.
Discussion about this post