ചെന്നൈ: തമിഴ് നടന് വിവേകിന്റെ മരണകാരണം കൊവിഡ് വാക്സിനല്ലെന്ന് റിപ്പോർട്ട്. കോവിഡ് വാക്സിന് സ്വീകരിച്ച് രണ്ട് ദിവസങ്ങള്ക്ക് ശേഷമായിരുന്നു വിവേകിനെ ഹൃദയാഘാതത്തെ തുടര്ന്ന് ആശുപത്രിയില് പ്രവേശിപ്പിച്ചത്.
അദ്ദേഹത്തിന്റെ മരണത്തിന് കാരണം വാക്സിനെടുത്തതാണെന്ന തരത്തില് പ്രചാരണങ്ങള് വ്യാപകമായിരുന്നു.
വിവേകിന്റെ മരണകാരണം ഹൃദയാഘാതമാണെന്നും വാക്സിനുമായി ബന്ധമില്ലെന്നും കേന്ദ്ര ആരോഗ്യ-കുടുംബക്ഷേമ മന്ത്രാലയത്തിലെ ഇമ്മ്യൂണൈസേഷന് വകുപ്പ് റിപ്പോര്ട്ട് നല്കി. വാക്സിന് സുരക്ഷിതമാണെന്നും ആശങ്ക വേണ്ടെന്നും അറിയിച്ചുകൊണ്ടാണ് റിപ്പോര്ട്ട് നല്കിയത്.
വിഴുപുരം സ്വദേശിയായ ഒരു സാമൂഹ്യപ്രവര്ത്തകന് ദേശീയ മനുഷ്യവകാശ കമ്മിഷന് ഹര്ജി സമര്പ്പിച്ചതിന്റെ പശ്ചാത്തലത്തിലാണ് അന്വേഷണം പ്രഖ്യാപിച്ചത്.
2021 ഏപ്രില് 20-ന് ചെന്നൈയിലെ സ്വകാര്യ ആശുപത്രിയില് ചികിത്സയില് കഴിയവേയായിരുന്നു വിവേക് വിട വാങ്ങിയത്.
Discussion about this post