ഡൽഹി: പ്രധാന്‍ മന്ത്രി ആയുഷ്മാന്‍ ഭാരത് ഹെല്‍ത്ത് ഇന്‍ഫ്രാസ്ട്രക്ചര്‍ മിഷന്‍ ഉദ്ഘാടനം ചെയ്ത് പ്രധാനമന്ത്രി നരേന്ദ്ര മോദി. രാജ്യത്തുടനീളമുള്ള ആരോഗ്യ സംരക്ഷണ അടിസ്ഥാന സൗകര്യങ്ങള്‍ ശക്തിപ്പെടുത്തുന്നതിനുള്ള ഏറ്റവും വലിയ പദ്ധതികളിലൊന്നായിരിക്കും പ്രധാന്‍ മന്ത്രി ആയുഷ്മാന്‍ ഭാരത് ഹെല്‍ത്ത് ഇന്‍ഫ്രാസ്ട്രക്ചര്‍ മിഷനെന്ന് പദ്ധതി ഉദ്ഘാടനം ചെയ്തുകൊണ്ട് നരേന്ദ്രമോദി പറഞ്ഞു.
നഗര, ഗ്രാമ പ്രദേശങ്ങളിലെ പൊതുജനാരോഗ്യ അടിസ്ഥാന സൗകര്യങ്ങളിലെ നിര്‍ണായക വിടവുകള്‍ നികത്തുക എന്നതാണ് പദ്ധതിയുടെ ലക്ഷ്യം. 5 ലക്ഷത്തിലധികം ജനസംഖ്യയുള്ള എല്ലാ ജില്ലകളിലും ക്രിട്ടിക്കല്‍ കെയര്‍ സേവനങ്ങള്‍ പദ്ധതിയിലൂടെ ലഭ്യമാക്കുമെന്നും പ്രധാനമന്ത്രി വ്യക്തമാക്കി.
എല്ലാ ജില്ലകളിലും സംയോജിത പബ്ലിക് ഹെല്‍ത്ത് ലാബുകള്‍ സ്ഥാപിക്കും. പദ്ധതിക്ക് കീഴിയില്‍ വൈറോളജിക്കായി 4 പുതിയ ദേശീയ ഇന്‍സ്റ്റിറ്റ്യൂട്ടുകള്‍ സ്ഥാപിക്കുകുയം ഐടി സഹായത്തോടെയുള്ള രോഗ നിരീക്ഷണ സംവിധാനം വികസിപ്പിച്ചെടുക്കുകയും ചെയ്യും. പൊതുജനാരോഗ്യ അടിസ്ഥാനസൗകര്യങ്ങളിലെ നിര്‍ണായക വിടവുകള്‍ നികത്തുക എന്നതാണ് പ്രധാന്‍ മന്ത്രി ആയുഷ്മാന്‍ ഭാരത് ഹെല്‍ത്ത് ഇന്‍ഫ്രാസ്ട്രക്ചര്‍ മിഷന്റെ ലക്ഷ്യം. പ്രത്യേകിച്ച്‌ നഗര, ഗ്രാമ പ്രദേശങ്ങളിലെ ക്രിട്ടിക്കല്‍ കെയര്‍ സൗകര്യങ്ങളിലും പ്രാഥമിക പരിചരണത്തിലും. ഏറ്റവും ശ്രദ്ധ വേണ്ട 10 സംസ്ഥാനങ്ങളിലെ 17,788 ഗ്രാമീണ ആരോഗ്യ-ക്ഷേമ കേന്ദ്രങ്ങള്‍ക്ക് ഇത് പിന്തുണ നല്‍കും. കൂടാതെ, എല്ലാ സംസ്ഥാനങ്ങളിലും 11,024 നഗര ആരോഗ്യ, ആരോഗ്യ കേന്ദ്രങ്ങള്‍ പദ്ധതിക്കി കീഴില്‍ പുതുതായി സ്ഥാപിക്കും.
യുപിയിലെ വാരണാസിയില്‍ വെച്ചായിരുന്നു പദ്ധതിയുടെ ഉദ്ഘാടനം പ്രധാനമന്ത്രി നിര്‍വ്വഹിച്ചത്. കൂടാതെ, ഉത്തര്‍പ്രദേശിലെ പുതിയ 9 മെഡിക്കല്‍ കോളേജുകളുടെ ഉദ്ഘാടനവും പ്രധാനമന്ത്രി ഇന്ന് നിര്‍വ്വഹിച്ചു.
സിദ്ധാര്‍ത്ഥനഗര്‍, ഇറ്റാഹ്, ഹര്‍ദോയ്, പ്രതാപ്ഗഡ്, ഫത്തേപൂര്‍, ഡിയോറിയ, ഗാസിപൂര്‍, മിര്‍സാപൂര്‍, ജൗന്‍പൂര്‍ എന്നീ ജില്ലകളിലെ മെഡിക്കല്‍ കോളേജുകളാണ് പ്രധാനമന്ത്രി ഉദ്ഘാടനം ചെയ്തത്. നിരവധി കര്‍മ്മയോഗികളുടെ പതിറ്റാണ്ടുകളുടെ കഠിനാധ്വാനത്തിന്റെ ഫലമാണ് കേന്ദ്ര ഗവണ്മെന്റും ഉത്തര്‍പ്രദേശ് ഗവണ്മെന്റും എന്ന് പരിപാടിയില്‍ അഭിസംബോധന ചെയ്തുകൊണ്ട് പ്രധാനമന്ത്രി പറഞ്ഞു. മാധവ് പ്രസാദ് ത്രിപാഠിയുടെ രൂപത്തില്‍ സമര്‍പ്പിതനായ ഒരു പൊതു പ്രതിനിധിയെ സിദ്ധാര്‍ത്ഥ് നഗര്‍ രാജ്യത്തിന് നല്‍കിയിട്ടുണ്ടെന്നും അദ്ദേഹത്തിന്റെ അശ്രാന്ത പരിശ്രമമാണ് ഇന്ന് രാജ്യത്തെ സഹായിക്കുന്നതെന്നും അദ്ദേഹം പറഞ്ഞു.
സിദ്ധാര്‍ത്ഥ് നഗറിലെ പുതിയ മെഡിക്കല്‍ കോളേജിന് മാധവ് ബാബുവിന്റെ പേര് നല്‍കുന്നത് അദ്ദേഹത്തിന്റെ സേവനത്തിനുള്ള യഥാര്‍ത്ഥ ആദരവാണെന്നും അദ്ദേഹം കൂട്ടിച്ചേര്‍ത്തു. മാധവ് ബാബുവിന്റെ പേര് കോളേജില്‍ നിന്ന് വരുന്ന യുവ ഡോക്ടര്‍മാര്‍ക്ക് പൊതുസേവനത്തിന് പ്രചോദനം നല്‍കുമെന്നും പ്രധാനമന്ത്രി പറഞ്ഞു.
9 പുതിയ മെഡിക്കല്‍ കോളേജുകള്‍ സൃഷ്ടിച്ചതോടെ ഇരുപത്തി അയ്യായിരം കിടക്കകള്‍ സൃഷ്ടിക്കപ്പെട്ടു, അയ്യായിരത്തിലധികം ഡോക്ടര്‍മാര്‍ക്കും പാരാമെഡിക്കുകള്‍ക്കും പുതിയ തൊഴിലവസരങ്ങളും സൃഷ്ടിക്കപ്പെട്ടുവെന്ന് പ്രധാനമന്ത്രി അഭിപ്രായപ്പെട്ടു. ഇതോടെ, ഓരോ വര്‍ഷവും നൂറുകണക്കിന് യുവാക്കള്‍ക്ക് മെഡിക്കല്‍ വിദ്യാഭ്യാസത്തിന്റെ പുതിയ പാത തുറന്നിരിക്കുന്നു,” അദ്ദേഹം പറഞ്ഞു.
ഇത്രയും മെഡിക്കല്‍ കോളേജുകളുടെ സമര്‍പ്പണം സംസ്ഥാനത്ത് അഭൂതപൂര്‍വമാണെന്നും പ്രധാനമന്ത്രി പറഞ്ഞു. “ഇത് നേരത്തെ സംഭവിച്ചില്ല, ഇപ്പോള്‍ എന്തുകൊണ്ടാണ് ഇത് സംഭവിക്കുന്നത്, ഒരു കാരണമേയുള്ളൂ – രാഷ്ട്രീയ ഇച്ഛാശക്തിയും രാഷ്ട്രീയ മുന്‍ഗണനയും” പ്രധാനമന്ത്രി ഊന്നിപ്പറഞ്ഞു. 7 വര്‍ഷം മുമ്പ് ഡല്‍ഹിയിലെ മുന്‍ ഗവണ്മെന്റുകളും 4 വര്‍ഷം മുമ്പ് ഉത്തര്‍പ്രദേശിലെ ഗവണ്മെന്റും വോട്ടിനായി പ്രവര്‍ത്തിച്ചുവെന്നും വോട്ടിന്റെ പരിഗണനയ്‌ക്കായി എന്തെങ്കിലും ഡിസ്‌പെന്‍സറിയോ ഏതെങ്കിലും ചെറിയ ആശുപത്രിയോ പ്രഖ്യാപിച്ച്‌ തൃപ്‌തി നേടാറുണ്ടെന്നും പ്രധാനമന്ത്രി വിശദീകരിച്ചു. ഒന്നുകില്‍ കെട്ടിടം പണിതിട്ടില്ല, ഒരു കെട്ടിടം ഉണ്ടെങ്കില്‍, യന്ത്രങ്ങള്‍ ഇല്ല, രണ്ടും ചെയ്താല്‍ ഡോക്ടര്‍മാരും മറ്റ് ജീവനക്കാരും ഉണ്ടാകില്ല. പാവപ്പെട്ടവരില്‍ നിന്ന് ആയിരക്കണക്കിന് കോടി രൂപ കൊള്ളയടിച്ച അഴിമതിയുടെ ചക്രം നിഷ്കരുണം 24 മണിക്കൂറും പ്രവര്‍ത്തിച്ചു കൊണ്ടിരുന്നുവെന്നും അദ്ദേഹം കൂട്ടിച്ചേര്‍ത്തു.
Discussion about this post