ഡല്ഹി: ഭീകരവാദം വളര്ത്തുന്ന പാകിസ്ഥാനുമായി യാതൊരു ചര്ച്ചകള്ക്കും ഇന്ത്യ തയ്യാറല്ലെന്ന് കേന്ദ്രആഭ്യന്തരമന്ത്രി അമിത് ഷാ. ഭീകരാക്രമണം വര്ദ്ധിച്ചുവരുന്ന സാഹചര്യത്തില് പാകിസ്ഥാനുമായി കേന്ദ്രസര്ക്കാര് ചര്ച്ചക്ക് തയ്യാറാകണമെന്ന് ജമ്മുകശ്മീര് മുന് മുഖ്യമന്ത്രി ഫറൂഖ് അബ്ദുള്ള ആവശ്യപ്പെട്ടതിന് പിന്നാലെയാണ് കേന്ദ്ര ആഭ്യന്തരമന്ത്രി അമിത് ഷായുടെ പ്രസ്താവന. ഭീകരവാദം വളര്ത്തുന്നവരോടു യാതൊരു ചര്ച്ചകള്ക്കും തയ്യാറല്ലെന്നും അമിത് ഷാ പറഞ്ഞു.
നിഴല് യുദ്ധത്തോട് സന്ധിയില്ലെന്നും കേന്ദ്ര സര്ക്കാര് തീരുമാനങ്ങള് ശരിയെന്ന് തെളിഞ്ഞ വര്ഷങ്ങളാണ് ഇപ്പോഴത്തേതെന്നും അദ്ദേഹം കൂട്ടിച്ചേര്ത്തു.
അതേസമയം ജമ്മുകശ്മീരില് സന്ദര്ശനത്തിനെത്തിയ അമിത് ഷാ ഭീകരാക്രമണം നടന്ന പുല്വാമയിലെ ലേത്പുര സന്ദര്ശിച്ച് ജവാന്മാര്ക്കൊപ്പം ഇന്ന് സിആര്പിഎഫ് ക്യാമ്പിലാണ് താമസിക്കുന്നത്.
Discussion about this post